Gelsenkirchen
|
Gelsenkirchen | |
|---|---|
| Kaart | Wapen |
 | |
 | |
| Vlag | |
 | |
| Land |  Duitsland
|
| Deelstaat |  Noordryn-Wesfale
|
| Koördinate | 51°31′N 7°6′O / 51.517°N 7.100°O |
| Stigting (eerste verwysing) | 1150 |
| Stadstatus | 1875 |
| Oppervlakte: | |
| - Totaal | 104,94 vk km |
| Hoogte bo seevlak | 48 m |
| Bevolking: | |
| - Totaal (31 Desember 2020) | 259 105[1] |
| - Bevolkingsdigtheid | 2 469/vk km |
| Tydsone | UTC +1 (MET) |
| - Somertyd | UTC +2 (MEST) |
| Burgemeester | Karin Welge (SPD) |
| Amptelike webwerf | gelsenkirchen.de |
Gelsenkirchen (Duits: [ɡɛlzənˈkɪrçən], ) is 'n selfregerende stad en historiese sentrum van steenkoolmynbou en swaar nywerhede in die Ruhrgebied, 'n digbevolkte nywerheidsgebied in die Duitse deelstaat Noordryn-Wesfale. Die stad het in Duitsland veral vanweë die plaaslike sokkerklub FC Schalke 04 bekendheid verwerf. Dit was een van die gasheerstede tydens beide die FIFA Sokker-Wêreldbekertoernooi in 1974 en FIFA Sokker-Wêreldbekertoernooi in 2006.
Die huidige stadsgebied het as gevolg van 'n aantal inlywings van aangrensende stede soos Buer ontstaan. In 1903 het die bevolking vir die eerste keer die 100 000-kerf verbygesteek en in 1959 tot meer as 390 000 gestyg. Vandag is Gelsenkirchen met ruim 259 000 inwoners die elfde grootste stedelike nedersetting in Noordryn-Wesfale.
Dekades lank is die lewe in Gelsenkirchen deur steenkoolnywerhede oorheers. Vanweë die oortollige gas wat in brandstoffabrieke verbrand is, is na Gelsenkirchen dikwels as die Stadt der 1 000 Feuer ("Stad van 1 000 vure") verwys. Die nywerheidsomwenteling en vinnige groei van swaar nywerhede sedert die middel van die 19de eeu het gepaard gegaan met 'n ongekende bevolkingsgroei. Voor die Tweede Wêreldoorlog het baie van die werkers uit Pole gekom, later het immigrante uit Suid-Europa en Turkye hulle hier gevestig.
Die historiese werkersbuurte, myne en nywerhede het as industriële monumente bewaar gebly, terwyl Gelsenkirchen se ekonomie sedert die 1980's op ander sektore begin toespits. So onderneem die stad onder meer pogings om 'n sentrum van die sonenergiebedryf te word.
Verwysings
[wysig | wysig bron]- ↑ (de) "Bevölkerung der Gemeinden Nordrhein-Westfalens am 31. Dezember 2020 – Fortschreibung des Bevölkerungsstandes auf Basis des Zensus vom 9. Mai 2011". Landesdatenbank Nordrhein-Westfalen. 31 Desember 2020. Besoek op 31 Desember 2020.
Eksterne skakels
[wysig | wysig bron]
Wikimedia Commons het meer media in die kategorie Gelsenkirchen.- (en) Toerisme-inligting oor Gelsenkirchen op Wikivoyage
- (de) Amptelike webwerf
