Eucalyptus

Eucalyptus
	Bloeisels, kapsules, blomme van E. tereticornis
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
(geen rang):	Rosids
Orde:	Myrtales
Familie:	Myrtaceae
Subfamilie:	Myrtoideae
Tribus:	Eucalypteae
Genus:	Eucalyptus; L'Hér.
Tipespesie
	Eucalyptus obliqua; L'Hér. 1789
Spesies
	Ongeveer 700 spesies
	Natuurlike verspreiding.
Sinonieme
	Aromadendron Andrews ex Steud.; Eucalypton St.-Lag.; Eudesmia R.Br.; Symphyomyrtus Schauer;

Eucalyptus is 'n genus van bome wat hoort tot die familie Myrtaceae. Die genus staan bekend as die Bloekoms. Hierdie genus is oorheersend in Australië waar almal behalwe een van die ongeveer 750 spesies endemies is.

Meer as 10 van die spesies word as aggressiewe indringerplante beskou in natuurlike gebiede van Suid-Afrika.

Kenmerke

Die bome word volgens hulle baskenmerke in drie groepe verdeel:

Bome met 'n baie skurwe, sterk veselagtige bas oor die hele stam
Bome met gladde bas wat nie noodwendig oor die hele lengte van die stam strek nie
Bome met gladde bas wat in stukke van verskillende groottes afskilfer

Die grootte en vorm van die bloekomneute en die struktuur van die bloeiwyse word gebruik vir spesie-identifikasie. Die blare word nie gebruik vir identifikasie nie; hulle lyk almal dieselfde.

Bloekoms het gewoonlik hoë, regop stamme. Weens die regop stamme en feit dat die bome vinnig groei, word die bome wêreldwyd aangeplant vir die produksie van latte, pale en hout. Hulle word ook as windskerms en sierbome gebruik. Byeboere plaas hulle korwe in bloekomplantasies omrede die bome volop nektar produseer, wat deur die bye versamel word vir die maak van heuning.

Spesies in Suid-Afrika

Karie - Eucalyptus diversicolor
Rooibloekom - Eucalyptus camaldulensis
Salignabloekom - Eucalyptus grandis
Spinnekopbloekom - Eucalyptus lehmannii
Suikerbloekom - Eucalyptus cladocalyx

Bron

Wikispecies

Wikispecies het meer inligting oor: Eucalyptus

Watter Boom is dit? Eugene Moll 2013 ISBN 978 1 77007 832 1

Verwysings

↑ "Eucalyptus L'Hér". Germplasm Resources Information Network. United States Department of Agriculture. 27 Januarie 2009. Geargiveer vanaf die oorspronklike op 29 Mei 2010. Besoek op 28 Februarie 2010.

Sien ook

[1] "Eucalyptus L'Hér". Germplasm Resources Information Network. United States Department of Agriculture. 27 Januarie 2009. Geargiveer vanaf die oorspronklike op 29 Mei 2010. Besoek op 28 Februarie 2010.

[1]