Erateem
’n Erateem is die chronostratigrafiese weergawe van ’n geochronologiese era. Erateme is die eenhede waarin eonoteme verdeel word en word self weer onderverdeel in sisteme. Dus is ’n erateem die totale gesteentes wat afgeset is tydens ’n spesifieke era, terwyl laasgenoemde die tydperk is waarin die gesteentes gevorm is.
Die meeste erateme en eras het dieselfde naam. Met Paleosoïkum kan byvoorbeeld die erateem of era bedoel word.
Die jongste eonoteem, die Fanerosoïkum, kan verdeel word in die volgende erateme, van oud tot jonk:
- die Paleosoïkum
- die Mesosoïkum
- die Kainosoïkum
