Doop
Die doop is 'n Christelike sakrament wat deur verskillende denominasies van die Christelike kerke gebruik en gevier word.
Dit is simbolies aan die afwassing van sondes, waarin elke mens gebore word, en die uitstorting van die Heilige Gees. Die doop word op verskillende maniere gevier, bv. klein doop en groot doop.
Daar word altyd water gebruik om 'n persoon mee te doop; party denominasies gebruik heilige water en ander gebruik water uit ‘n rivier. Alhoewel daar verskillende maniere is om mense te doop, word daar altyd water op die voorkop gesit en die woorde Ek doop jou in die naam van die Vader en die Seun en die Heilige Gees gesê.
Jesus ("die Seun") was in die Jordaanrivier gedoop deur Johannes die Doper. Johannes, wat familie was van Jesus, was ook die eerste persoon wat genoem word in die Bybel wat mense gedoop het.
Voor die doop is daar 'n belofte wat afgelê word. In die geval van die klein doop van babas, word die belofte deur die ouers en gemeentelede afgelê. Met die groot doop is dit die dopeling self wat die belofte aflê, of openbare geloofsbeleidenis doen voor hy/sy gedoop word.
Deur die doop ontvang die dopeling die Heilige Gees en aanvaar hy/sy dat Jesus deur die werking van die Heilige Gees in sy/haar lewe kan werk. Dit is 'n belofte dat die dopeling sal wandel in God ("die Vader") se wil en hom/haar onderdanig maak aan sy gesag.
Die doop is 'n aanvaarding van die Heilige Gees in jou lewe, aanvaarding dat Jesus vir jou sondes aan die kruis gesterf het.
Voor die doop ingestel is, is die seuns van die Joodse ryk volgens die Wet van Moses besny as teken van 'n gelofte tussen God en sy volk.
Die doop is nie eksklusief vir die uitverkore volk, die Joodse volk, ingestel nie, maar ook aan almal op aarde wat in God die Vader en Jesus Christus, Sy Seun as verlosser, glo. Almal wat sodanig glo is ingesluit by die volk van God en kan sodoende die ewige lewe beërwe.
Deur die doop word die mens vrygespreek van die sonde waarin hy gebore word.
Dit is 'n heilige sakrament en word nie ligtelik opgeneem nie. Daar is ook geen sprake in die Bybel van enige persoon wat meer as een keer gedoop is nie. Volgens die Geloofsbelydenis van Necéa glo die Christene in een doop. Dit wil sê dat jy as mens net een keer gedoop hoef te word.
Bronne
[wysig | wysig bron]- Die Bybel 1953 - 1983 vertaling, Bybelgenootskap van Suid Afrika.
- Canadian Council of Churches, Commission on Faith and Witness (1992). Initiation into Christ: Ecumenical Reflections and Common Teaching on Preparation for Baptism] (PDF). Winfield, B.C.: Wood Lake Books. ISBN 2-89088-527-5.
- Chaney, James M. (2009). William the Baptist. Oakland, TN: Doulos Resources. p. 160. ISBN 978-1-4421-8560-9. OCLC 642906193. Geargiveer vanaf die oorspronklike op 8 Julie 2009.
- Dallmann, Robert (2014). Baptisms - One? Many? Or Both?. ChristLife, Inc. ISBN 978-0991489107.
- Gerfen, Ernst (1897). "Baptizein": the Voice of the Scriptures and Church History Concerning Baptism. Columbus, Ohio: Press of F.J. Heer.
