Arbeidsgenot
Arbeidsgenot was die huis van die Afrikaanse skrywer C.J. Langenhoven op Oudtshoorn in die Wes-Kaap, Suid-Afrika. Hy en sy familie het van 1903 tot 1950 in die huis gewoon. Vandag is dit 'n huismuseum wat in Jan van Riebeeck-straat nommer 217 geleë is.[1]
Die Langenhoven-egpaar het dié woning in 1903 betrek en die res van hul lewes hier gewoon. Mev. Langenhoven het tot met haar dood in 1950 hier aangebly. Kragtens haar testament het Arbeidsgenot daarna volksbesit geword. Die Langenhoven-gedenkfonds is toe onder voorsitterskap van doktor E.G. Jansen gestig. Uit hierdie fonds is 'n bedrag van £1500 (R3000) vir die aankoop van die huis bewillig om dit as 'n Langenhoven-museum in te rig. Die gedenkfonds was ook vir die onderhoud van die woning verantwoordelik.
Op 21 April 1955 is die huis amptelik vir die publiek oopgestel. Die plegtigheid is deur die toenmalige goewerneur-generaal, doktor E.G. Jansen waargeneem.
Die huis en tuin lyk vandag nog soos wat mev. Langenhoven dit nagelaat het.
Verwysings
[wysig | wysig bron]- ↑ HAT Taal-en-feitegids, Pearson, Desember 2013, ISBN 978-1-77578-243-8
Bibliografie
[wysig | wysig bron]- Kannemeyer, J.C.: Arbeidsgenot. 'n Besoekersgids. ISBN 0-620-19033-7
- Scannell, Jan: Arbeidsgenot, die woonhuis van C.J. Langenhoven. Bellville: Langenhovengedenkfonds, 1984. ISBN 0-620-07642-9
Eksterne skakels
[wysig | wysig bron]- Webtuiste van die Langenhoven huismuseum Geargiveer 29 Junie 2018 op Wayback Machine
