Sīc（有時寫成[sīc]或者[sic]）出自拉丁文，完整嘅原文係Sīc erat scriptvm，意思即係話「原文係咁」。
喺學術論文裏面，喺引用人哋嘅文獻之後（或者引用到某個詞或者詞組之後）馬上加入[sīc]，即係話「大家同唔同意都好，我引用嘅嗰份文獻嘅嗰一句話嘅原文係咁寫嘅」。
[Sīc]喺粵語裏面可以直接寫成[原文係咁]，通常加方括號；喺西歐語言入面，除咗加方括號之外，通常重會用斜體表示成[sīc]。
如果我女朋友唔打電話畀我，我會直接係[原文係咁]青馬跳落海。
（[原文係咁]前面嘅「係」應該寫成「喺」。）
