美洲獅

  「美洲豹」跳轉到呢度。想搵其他用法，請睇「美洲豹 (搞清楚)」。

美洲獅，（學名：Puma concolor），係西半球分布最廣泛嘅哺乳動物之一。佢嘅英文名：puma 依個字，係嚟自印加語，意思係山獅，美洲豹咁解。

How to read a taxobox 美洲獅
瀕危指標
就快受威脅（Near Threatened） (NT)
物種分類
界 動物界 門 脊索動物門 綱 哺乳綱 目 食肉目 科 貓科 屬 美洲獅屬 種 P. concolor
二元學名
Puma concolor (Linnaeus, 1771)
美洲獅生活範圍
別名
Felis concolor

分類同特徵

美洲獅係屬於美洲金貓屬。美洲獅喺跳躍方面有驚人嘅「天賦」，佢輕輕一跳，就能夠跳到 6 至 7 米以外，厲害啲嘅更加可以跳到10幾米遠。擅於游水同爬樹。叫聲好大，但唔會咆哮（咆哮係大型貓屬嘅特徵之一），叫聲反而係嘶叫、或者似雀叫聲。交配時就發出好似人類尖叫聲嘅恐怖聲音。壽命可達19年。

地理分布

美國亞利桑那州沙漠博物館裏面嘅美洲獅

美洲獅係一種住喺北美洲、中美洲、甚至乎南美洲嘅食肉貓科動物。佢嘅適應能力好強，無論響沙漠，冰原，高山，熱帶雨林，濕地等都可以生存。一般住響寒帶同山區嘅亞種，體形會大隻啲。

食啲乜

美洲獅係一種凶猛嘅食肉猛獸，亦都係噬殺成性嘅「雜食家」，主要食野生嘅兔、羊、鹿，喺肚餓嘅時候亦都會偷食家畜家禽，甚至連最難對付嘅犰狳、豪豬同臭鼬，甚至狼、熊等猛獸嘅幼仔，美洲獅亦都能夠令到佢哋束手就摛。如果美洲獅捉到嘅獵物比較多，佢哋就會將餘噃嘅食物收埋喺樹上面，等遲啲噃嚟再食。由於美洲獅嘅原有棲息地開始被人類佔據，人獅之間接觸機會多咗，所以美國不時發生多宗襲擊，甚至捕獵人類嘅事件。

繁殖記錄

妊娠期為 3 個月，一胎生 2 到 4隻。獅乸生完後第二年又可再生。獅 BB 出世時，身上滿佈斑點，會維持半年左右。通常一隻響春天出現嘅美洲獅，到秋天就可以食肉，到冬天就可以自己搵食。

響香港已拆卸好多年嘅荔園動物園，以前亦有養過美洲獅，佢哋都係響20世紀80年代由日本運嚟養，分別係一雄一雌。其中獅乸咪咪，唔單止抓傷過管理員，仲曾經「逃獄」，最後要以前漁農處職員用麻醉槍制服。

延伸閱讀

• David Baron, Beast in the Garden: A Modern Parable of Man and Nature, W. W. Norton, 2003年11月，精裝，320頁，ISBN 0-393-05807-7。