si

Walon (Rifondou)

Etimolodjeye 1

Tayon-bodje latén « si » (minme sinse)

Aloyrece

Alofômes

Plinne cogne	Spotcheye cogne
si	s’

si

1. dene ene condicion po ki l’ viebe si fwaiye avou l’ indicatif prezintrece, cwand ça s’ pasrè dandjreus insi.
   • Si t’ véns avou mi, dji t’ dinrè ene boutche al novelan.
   • S’ on vout bén, i fåreut cwiter cisse såle ci, ca gn a des ôtes ki rawårdèt po-z intrer.
   • S’ i fwait bea, dj’ irè al Bovreye. — Motî Forir (fråze rifondowe).
2. pareymint, mins avou l’ condicioneu ou l’ suddjonctif erirece, cwand ça n’ si pasrè dandjreus nén.
   • Si dj’ åreu yeu sepou, dji n’ î åreu seur nén yeu stî.
3. pareymint, mins sins mwaisse fråze po dire on rgret.
   • A ! S' on n' aveut nén tant d' mizere !
     S' on n' esteut nén co si strindou ! — Joseph Vrindts, « Pâhûles rîmês » (1897), "Li Saint Nicoleie", p.27 (fråze rifondowe).
4. dene ene condicion ki n’ si såreut fé.
   • Si matante åreut des coyes, ci sereut mononke.
5. mostere ki l' mwaisse fråze va tolminme, mågré çou k' on dit dins l' fråzlete.
   • Si nos avans ploré
     Nos n' avans måy dizesperé
     Do vey ti deure carcasse,
     Si froxhî dzo les côps des cis sont nos frés. — Louis Lagauche, "L' inmant", Ås walons, (1947), p. 120 (fråze rifondowe).

Mots d’ aplacaedje

• si e cas, po si e cas, po si padecô
• s’ il astchait, s’ il atome

Ortografeyes

Après 1900, foû rfondou (Feller, Feller ricandjî, nén Feller) :

• si / s' : C8, E1

E rfondou walon :

• si / s' : R10 ^(lére), R13

Ratournaedjes

dene ene condicion po ki l’ viebe si fwaiye

• Arabe : إذا ^(ar) =‎ idha
• Arabe marokin : اِلى ^(ary) =‎ ila ,إلا
• Almand : wenn ^(de)
• Inglès : if ^(en)
• Espagnol : si ^(es)
• Francès : si ^(fr)
• Neyerlandès : als ^(nl)

dene ene condicion ki n’ si såreut fé

• Arabe : لو ^(ar) = لَو =‎ law
• Arabe marokin : kon kan =‎ كُن كان ,كون كان
• Almand : wenn ^(de)
• Inglès : if ^(en)
• Espagnol : si ^(es)
• Francès : si ^(fr)
• Neyerlandès : als ^(nl)

Sustantif

singulî	pluriyal
si

si omrin

1. sacwè k’ on n’ såreut nén fé.
   • Avou des si, on metreu Lidje a Tchålerwè.
2. condicion po fé ene sacwè.
   • Gn a todi des si et des mins — Motî Forir (fråze rifondowe).

Ratourneures

1. mete li si

Ratournaedjes

si

• Francès : si ^(fr)

Etimolodjeye 2

Tayon-bodje latén « sic » (insi).

Adviebe

si (nén candjåve)

1. nén spotchåve divant èn addjectif, mostere on rmetaedje a des ôtes liveas d’ foice do minme addjectif.
   • Pout on esse si ritche et si pice-crosse ? — Motî Forir (fråze rifondowe).
   • I n’ est nén si sûti k’ i nel dit.
2. spotchåve (Avou on viebe) Insi, adonpwis (minme sins kel mot latén)
   • Et s' î dmona-t i cwarante djoûs et cwarante nutes, et s' fourit i temté do demon — Joseph Mignolet, evandjile sorlon Sint-Mår (fråze rifondowe).
   • I rwerixha bråmint des malådes afidjîs d' totès sôres di mås, et s' tchessa-t i bråmint des demons.— Joseph Mignolet, evandjile sorlon Sint-Mår (fråze rifondowe).
   • Et avou ça, i s’ ont decedé. (J. Lechanteur, ramexhnant li temognaedje d' on fossî, wallonnes, 2001-2002)
   • Li maladeye cwita cist ome la et s' fourit-i rweri. — Joseph Mignolet, evandjile sorlon Sint-Mår (fråze rifondowe).
   • Mins s' fårè-t-i ratinde l'anêye 2006 po vey li pordjet pår so pås so fotches. — Lorint Hendschel, So l’ Anuti.

Sinonimeye

ossu, si tant, si télmint

Mots d’ aplacaedje

• sifwait
• si-fwait
• si tant, si télmint

Ratournaedjes

Loukîz a : ossu

• Almand : so ^(de)
• Inglès : so ^(en)
• Espagnol : tan ^(es)
• Francès : si ^(fr), aussi ^(fr)
• Neyerlandès : zo ^(nl)

ainsi, adon

• Inglès : then ^(en)
• Francès : alors ^(fr), ainsi ^(fr), ainsi ^(fr)
• Neyerlandès : zo ^(nl), daarna ^(nl)

Adjondrece

Alofômes

Plinne cogne	Spotcheye cogne
si	s’

si

1. (vî mot) et, ey insi, epwis.
   • Cwand ns årans stî a deus troes messes,
     Nos vénrans cial magnî des coisses;
     Si magnrans ns ene ône di tripe — Noyé walon (fråze rifondowe).
   • Cisse pinsêye la m’ aveut tot disrotiné ;
     Ossu, l’ cour m’ anoya di n’ trover nou ricfoirt,
     Si m’ vina t i so l’ åme tant d’ anoymint
     Ki dj’ raprepia m’ djîsse sins l’ voleur. — Jules Claskin, « Airs di flûte et autres poèmes wallons », édition critique de Maurice Piron, 1956, « Anôy’mint », 1925, p.40 (fråze rifondowe).
   • Vos vénroz; si fåt i k’ vos lodjîxhe — Motî Forir (fråze rifondowe).
   • Binamé et djusse est i, l’ Signeur; si fé des lwès po rmete les petcheus sol voye. — George Staelens, ratournant li såme XXIV-XXV.
2. mågré ça.
   • Co k’ on n’ åreut ni pan ni pîce,
     Si lzî fåt i rparer leu tiesse
     Di beas parmints tcherdjîs d’ féns pieles
     Po dmorer e påye åtoû d’ zeles — Vî tecse d’ aviè 1600 (fråze rifondowe).

Mots d’ aplacaedje

• et s’

Ratournaedjes

et Loukîz a : et

Etimolodjeye 3

Tayon-bodje latén « se » (minme sinse)

Alofômes

Cogne plinne ordinaire	Cogne plinne a dvanceye voyale	Spotcheye cogne
si	ès	s’

Prono d’ djin coplemint

si omrin et femrin

1. coplemint d’ on viebe å prono a l’ infinitif.
   • Ké plaijhi di si stinde dins l’ frisse waide.
2. coplemint direk del troejinme djin do singulî (omrinne, femrinne ou neute) di viebes å prono muroetreces.
   • I n’ si rwaite nén dins on miroe tos les djoûs.
3. coplemint direk del troejinme djin do pluriyal (omrinne ou femrinne) di viebes å prono muroetreces et nonlôtreces.
   • Ele ni s’ ont nén lavé å matén, ni ene ni l’ ôte.
   • Ele si batént a côp d’ schinetes, come les omes.
4. coplemint di viebe a nén cnoxhou sudjet.
   • I si djheut, dins l’ viyaedje, k’ elle coûtchive avou èn ôte.
5. coplemint direk del prumire djin do pluriyal, avou l’ prono sudjet "on".
   • Nos n’ î vléns nén aler, mins, tot conte fwait, on s’ a bén plai.
6. (padvant on viebe) Aler

Ortografeyes

(si / ès / s’)

Après 1900, foû rfondou (Feller, Feller ricandjî, nén Feller) :

• si / s’ : C8, E1
• ès’ : O3, Bour
• sè / s’ : E165
• ès / s’ : O4

E rfondou walon :

• si / ès / s’ : R10 ^(lére), R13, FR13 (a «se»)

Ratournaedjes

coplemint d’ on viebe å prono a l’ infinitif

• Almand : sich ^(de)
• Inglès : oneself ^(en)
• Espagnol : "se ^(es)" etroclé å viebe : levantarse ^(es) (si lever)
• Francès : se ^(fr)
• Neyerlandès : zich ^(nl)

coplemint direk del troejhinme djin do singulî

• Almand : sich ^(de)
• Inglès : himself ^(en) omrin, herself ^(en) femrin
• Espagnol : se ^(es)
• Francès : se ^(fr)
• Neyerlandès : zich ^(nl)

coplemint direk del troejhinme djin do pluriyal

• Almand : sich ^(de)
• Inglès : themselves ^(en)
• Espagnol : se ^(es)
• Francès : se ^(fr)
• Neyerlandès : zich ^(nl)

coplemint direk del prumire djin do pluriyal

• Almand : uns ^(de)
• Inglès : ourselves ^(en)
• Francès : se ^(fr), nous ^(fr)
• Neyerlandès : ons ^(nl)

Etimolodjeye 4

Tayon-bodje latén « suus » (minme sinse)

Alofômes

Cogne plinne ordinaire	Cogne plinne a dvanceye voyale	Spotcheye cogne
si	ès	s’

Prezintoe d’ apårtinance

Alofômes

si-n

si-t

singulî	pluriyal
si	ses

si omrin et femrin

1. prezintoe d’ apårtinance do rwaitant et del riwaitante.
   • Si fré m’ a vnou trover.
   • Si sour m’ a vnou trover.
   • I fåt schoûter s’ pere et s’ mere — Motî Forir (fråze rifondowe).

Ratourneures

aveur si ådje

Ortografeyes

(si / ès / s')

Divant 1900 :

• s’i : E203 (aclapé å mot dvant voyale) ^(lére)

Après 1900, foû rfondou (Feller, Feller ricandjî, nén Feller) :

• ès’n- / s'n- : O2
• si / s’ : C8, E1
• sè / ès’ / s’ : O2
• ès’ : O3, Bour
• ès : O4
• ès’n- / s-n’ u ’s-n : O4

E rfondou walon :

• si / ès / s’ : R10 ^(lére), R13, FR13 (a «son» & a «sa»)

Ratournaedjes

si

• Almand : sein ^(de) (da ene omrinne djin, å nominatif); ihr ^(en) (da ene femrinne djin, å nominatif)
• Inglès : his ^(en) (da ene omrinne djin); her ^(en) (da ene femrinne djin); its ^(en) (da on sudjet neute)
• Espagnol : su ^(es) omrin & femrin
• Francès : son ^(fr) omrin, sa ^(fr) femrin
• Neyerlandès : zijn ^(nl) (da ene omrinne djin); haar ^(en) (da ene femrinne djin)

Etimolodjeye 5

Prumirès letes di "Sancti Iohannes", boket d’ èn air latene k’ a siervou a lomer les notes.

Sustantif

singulî	pluriyal
si

si omrin

1. dierinne note di muzike, inte li "la" et l’ "do" do dzeu.
   • Si, todi avou tes si, Si t’ montes co, t’ rarives a do (Tchanson des notes).

Mots vijhéns

Notes di muzike e walon

do

ré

mi

fa

sol

la

si

Ratournaedjes

si

• Inglès : si ^(en)
• Francès : si ^(fr)

Francès

Aloyrece

1. si (mot scrît eyet prononcî e francès come e walon)
   • Si j’avais su, je ne serais pas venu; mais tous comptes faits, je me suis bien plu.
     • Si dj’ åreu seu, dji n’ åreu nén yeu vnou; mins tot rabatou, dji m’ a bén plai.

Adviebe

si

1. si (mot scrît eyet prononcî e francès come e walon)
   • Elle est si belle !
     • Elle est si bele !

Mot-fråze

si

1. siya, si-fwait
   • On m’ a dit que vous ne viendriez pas :: Mais si !
     • On m’ a dit k’ vos n’ vénrîz nén :: Siya, taiss !

Sustantif

si

1. si (mot scrît eyet prononcî e francès come e walon)
   1. note di muzike.
   2. lomaedje do mot "si".
      • Avec des si, on met Paris en bouteille.
        • Avou des si, on mete Paris e botaye.

Espagnol

Aloyrece

si

1. si (mot scrît e-n espagnol come e walon)
   • Si lo hubiese sabido, no hubiera venido; pero al fin y al cabo, me divertí.
     • Si dj’ åreu seu, dji n’ åreu nén yeu vnou ; mins tot rabatou, dji m’ a bén plai.

Pwaire minimom

• sí