plome

Walon (Rifondou)

Etimolodjeye

S’ i gn åreut ene sakî ki sepreut cwè åd fwait di l’ etimolodjeye di « plome », el pout stitchî vaici.

Prononçaedje

• AFE :
  • diferins prononçaedjes : /plɔm/ /plum/ /plym/ /plœm/ (oyon O/OU/U)
  • prononçaedje zero-cnoxheu : /plɔm/
• Ricepeures : nén rcepåve

• 
  Plome di breyî
• 
  Plome po scrire

Sustantif

singulî	pluriyal
plome	plomes

plome femrin

1. (mot d’ zolodjeye) sacwè ki crexhe sol pea des oujheas, et ki les rafûle, et fé leus penas por zels poleur voler.
   • Ene plome di poye, di faizan.
   • S’ i n’ aveut fwait ki l’ linne des agneas si fiestants,
     Les plomes des ptits oujheas, li frisse aiwe di l’ etan,
     Li vint ki rafriskêye et ki dene bon coraedje
     Al moxhe al låme tofer si vigreuse a l’ ovraedje— Martin Lejeune, Bultén del Societé d' Lidje, "L’crèyåcion d’Eve", tome 43, p. 140 (fråze rifondowe).
   • C' esteut des grandès poyes flamindes avou des grandès pates et waire di plomes — Motlî Gaziaux so les biesses di cinse (fråze rifondowe).
   • Nosse xhufleu, k' esteut foirt come on tera, ritourna l' cossén tot parey ki s' il l' avaxhe ritourné ene plome. — Joseph Vrindts, « Li pope d'Anvers » (1896), p.10 (fråze rifondowe).
   • Les dispiertés moxhons si froûleus les ôtes djoûs,
     Schoyît bén vite leus plomes ; et, tot stitchant l' tiesse foû
     Des tchabotes, la k' avént leus ptitès fômes-eclôses;
     I fjhît tchiripe di djoye come ås beas moes des rozes!
     — Louis Lagauche, "Mayon" (1923), p. 53 (fråze rifondowe).
2. pene (po scrire).
3. manire di scrire.
   • Il a ene metchante plome — Motî d’ Bastogne (fråze rifondowe).
4. dobleure, docsineure (cwand on stî ploumé)
   • il a yeu ene plome di s' vijhén — Motî d’ Nivele (fråze rifondowe).
   • dji lzî a fotou ene bele plome — Motî d’ Nivele (fråze rifondowe).

Ratourneures

1. C' est l' bele plome ki fwait l' bea oujhea dijhêye a onk (ene) ki n' si vout nén bén moussî. Franwal: ahåyant po: "l'habit qui fait le moine".
2. il a metou ene plome a s' tchapea / c' est ene bele plome a s' tchapea

a) il a bén adiercî s' côp. F. action d'éclat, marquer des points. b) (tot cåzant årvier) ci n' est nén foirt rilujhant, çou k' i (elle) a fwait. F. pitoyable, pas brillant.

1. ledjir come ene plome / ossu ledjir k' ene plome foirt ledjir. Vos cnoxhoz l' doûce sôlreye ki vs rind l' cour etait et pus ledjir k' ene plome (Y. Gendarme).
2. on n' sait si ça serè des plomes u des pwels dijhêye po balter on djonnea ki cmince a aveur del båbe.
3. dins ses plomes dins s' lét.
   • Et après l' marinde, i s' a co rmetou dins ses plomes et il a co fwait prandjire come on binawureus — Lucyin Mahin.
4. po-z aveur ses plomes, i fåt del tchôde aiwe; u: On n' lyi såreut aveur ene plome foû do cou sins tchôde aiwe :

a) c' est on pice-crosse, on rapia. F. avare. b) po-z aveur çou k' on vout d' lu, i lyi fåt ecråxhî l' pate. F. vénal. c) i n' est nén foirt sûti. F. lent à la détente.

1. riwaitî ene sakî come s' il åreut des plomes : esse tot sbaré del vey.
2. î leyî des plomes / piede ses plomes : piede des cwårs. F. déboires, déchéance.
3. n' aveur pus k' ses plomes po voler aveur cåzu tot pierdou, esse foirt pôve. F. que le strict nécessaire.
4. i lyi fåt bén totes ses plomes po voler / il a dandjî d' totes ses plomes po voler i lyi fåt bén tot po viker. F. dur à s'en sortir.
5. aveur totes ses plomes aveur des çanses assez (po payî ene desse).
6. il est tcherdjî d' årdjint come on crapåd d' plomes il est pôve.
7. les plomes li ploumaedje.

Parintaedje

• ploumî
• ploumté, ploumteus, ploumtî
• ploumaedje, plouma, ploumasse, ploumet
• ploumion, ploumtion.
• ploumon
• ploumer
• ploumter
• disploumer
• disploumter

Mots d’ aplacaedje

poite-plome

Sinonimeye

• (po scrire): pene.

Ortografeyes

Après 1900, foû rfondou (Feller, Feller ricandjî, nén Feller) :

• pleume : E170, O0
• plëme : S25
• plume : O4, S0
• ploume : O4, S0
• plome : C1, E34, E170, E213, O0, O100
• plœme : C8

E rfondou walon :

• plome : R10 ^(lére), R13

Ratournaedjes

produjhaedje del pea des oujheas

• Francès : plume ^(fr)