Muju
Muju om elektromagnitižen sädegoičendan kvalitativine subjektivine harakteristik optižes diapazonas.
Mujun harakteristik märičese fiziologižen nägemižmujandan pohjal da rippub fizikan, fiziologijan da psihologijan faktoroišpäi: ristitun individualižuz, spektran mülünd, mujun da loštusen kontrast vauktusen purtkidenke ümbrištos, toižen materialižen objektan olend olmas.
Pagištes jogapäiväližel kelel, muju om mujand, kudambad ristit sab vauktusen sädegiden ozaidusen aigan hänen sil'mhä. Ühtejiččed vauktusen painuded kuctas erazvuiččid mujandoid.
Rahvahidenkeskeine mujun päiv (angl.: International Colour Day) oigendase joga vodel 21. keväz'kud vspäi 2009 enamba mi koumeskümnes valdkundas — Rahvahidenkeskeižen mujun associacijan ühtnijoiš.
Päižed spektraližed mujud
vajehtaNene mujud erašti nimitadas völ jumalanbemblen mujuikš.
| Muju | Lainhiden pidusiden diapazon, nm | Paksuziden diapazon, TGc | Fotoniden energijan diapazon, eV | Mujun kuva |
|---|---|---|---|---|
| Rusked | 625—740 | 405—480 | 1,68—1,98 | #FF0000 |
| Ruskedpakuine | 590—625 | 480—510 | 1,98—2,10 | #FF8C00 |
| Pakuine | 565—590 | 510—530 | 2,10—2,19 | #FFDF00 |
| Vihand | 500—565 | 530—600 | 2,19—2,48 | #00C43A |
| Sinivauvaz | 485—500 | 600—620 | 2,48—2,56 | #00BFFF |
| Sinine | 440—485 | 620—680 | 2,56—2,82 | #004DFF |
| Ruskedsinine | 380—440 | 680—790 | 2,82—3,26 | #8000FF |
Erased toižed mujud, sidä kesken spektralitomad
vajehta| Muju | Mujun kuva |
|---|---|
| Must muju | #000000 black |
| Hahk muju | #808080 gray |
| Hobedakaz muju | #CECECE |
| Vauged muju | #FFFFFF white |
| Kuldakaz muju | #FFD700 gold |
| Koričma | #964B00 |
| Olivanmuju | #808000 olive |
| Soheinän muju | #ACB78E |
| Laim | #00FF00 lime |
| Akvamarinsinine muju | #7FFFD4 |
| Ruskedvauvaz muju | #FFCBDB |
| Babarmmuju | #DC143C |
| Purpurine muju | #C400AB |
| Sandal'ne muju | #FF2400 |
| Bordon muju | #B00000 |
| Elefantanlun muju | #FFFFF0 |
| Haki muju | #C3B091 |
| Bežine muju | #F5F5DC |