Mikoa ya Italia

Mikoa ya Italia ni vitengo vikuu vya utawala chini ya ngazi ya taifa nchini. Eneo lote la Italia limegawiwa katika mikoa 20. Kila mkoa huwa na kiwango cha madaraka cha kujiamulia, lakini mikoa 5 huwa na madaraka ya kujitawala. Madaraka hayo na kuwepo kwa kila mkoa yameandikwa katika katiba ya nchi.

Mikoa ya Italia (nyekundu: mikoa ya kujitawala)

Kila mkoa - isipokuwa ule wa Bonde la Aosta - hugawiwa katika wilaya.

Madaraka ya mikoa ya kawaida na mikoa ya kujitawala

Kikatiba kila mkoa huwa na madaraka ya kujiamulia kuhusu mambo pasipo sheria ya kitaifa na katika mambo yafuatayo:

• kupokea kiwango cha kodi (takriban 20%) kwa kulipia madhumuni ya mkoa
• kutawala shule, usafiri wa umma na hospitali mkoani
• kufanya uchaguzi wa bunge na serikali ya kimkoa.

Mikoa mitano ya kujitawala huwa na madaraka makubwa zaidi yanayotofautiana kati ya mkoa na mkoa. Sababu za haki hizo za pekee ni za kihistoria na kuwepo kwa sehemu za wananchi wenye lugha mama tofauti na Kiitalia. Mikoa hii ni Bonde la Aosta (Kiitalia-Kifaransa), Friuli-Venezia Giulia (Kiitalia-Kifurlan-Kislovenia), Sardinia (Kisardinia), Sisili na Trentino-Alto Adige/Südtirol (Kiitalia - Kijerumani).

Mikoa hii inaitwa "mikoa yenye sheria za pekee"; kwa mfano Friuli-Venezia Giulia inabaki na asilimia 60 za kodi kutoka eneo lake, Sardinia na 70%, Trentino-Alto Adige/Südtiro pamoja na Aosta zinashika 90% na Sisili inashika kodi zote chini ya mamlaka ya kimkoa.

Orodha ya mikoa

Bendera	Jina	Makao makuu	Eneo (km2)	Wakazi	Msongamano wa watu/km²	Wilaya	Miji	Miji mikubwa	Hali ya utawala
	Abruzzo	L'Aquila	10,763	1,307,919	122	4	305	-	Kawaida
	Bonde la Aosta	Aosta	3,263	126,933	39	0	74	-	Kujitawala
	Apulia	Bari	19,358	4,045,949	209	6	258	Bari	Kawaida
	Basilicata	Potenza	9,995	575,902	58	2	131	-	Kawaida
	Calabria	Catanzaro	15,081	1,954,403	130	5	409	Reggio Calabria	Kawaida
	Campania	Napoli	13,590	5,761,155	424	5	551	Napoli	Kawaida
	Emilia-Romagna	Bologna	22,446	4,354,450	194	9	348	Bologna	Kawaida
	Friuli-Venezia Giulia	Trieste	7,858	1,219,356	155	4	218	Trieste	Kujitawala
	Lazio	Rome	17,236	5,550,459	322	5	378	Rome	Kawaida
	Liguria	Genoa	5,422	1,565,349	289	4	235	Genoa	Kawaida
	Lombardia	Milan	23,861	9,749,593	409	12	1544	Milan	Kawaida
	Marche	Ancona	9,366	1,541,692	165	5	239	-	Kawaida
	Molise	Campobasso	4,438	312,394	70	2	136	-	Kawaida
	Piemonte	Turin	25,402	4,366,251	172	8	1206	Turin	Kawaida
	Sardinia	Cagliari	24,090	1,637,193	68	8	377	Cagliari	Kujitawala
	Sisilia	Palermo	25,711	4,994,817	194	9	390	Catania, Messina, Palermo	Kujitawala
	Trentino-Alto Adige/Südtirol	Trento	13,607	1,036,707	76	2	333	-	Kujitawala
	Toscana	Firenze	22,994	3,679,027	160	10	287	Firenze	Kawaida
	Umbria	Perugia	8,456	885,535	105	2	92	-	Kawaida
	Veneto	Venisi	18,399	4,865,380	264	7	581	Venisi	Kawaida