Noreg er det nynorske namnet på Kongeriket Noreg.
Faktaboks
- Uttale
-
nå:reg
Ivar Aasen brukte landsnamnet Norig. Frå 1917 til 1938 var formene Norig og Noreg jamstilte i landsmål/nynorsk, men sidan 1938 har Noreg vore eineform. I 1996 gjorde Norsk språkråd framlegg om å innføre Norge som sideform attåt Noreg, men dette vart avvist av Kulturdepartementet og aldri vedteke.
Namnet Noreg har norrønt opphav med formene Norðrvegr eller Norvegr og seinare Noregr. Les meir om historia bak landsnamnet.
Dei offisielle namna på landet er:
| Språk | Kortform | Langform |
|---|---|---|
| Nynorsk | Noreg | Kongeriket Noreg |
| Bokmål | Norge | Kongeriket Norge |
| Nordsamisk | Norga | Norgga gonagasriika |
| Lulesamisk | Vuodna ('fjord') | Vuona gånågisrijkka |
| Sørsamisk | Nöörje | Nöörjen gånkarïjhke |
| Kvensk | Norja | Norjan kuninkhaanvaltakunta |
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.