Granville Stanley Hall var ein amerikansk psykolog og pedagog. Han blir rekna som grunnleggjaren av amerikansk utviklingspsykologi, der han mellom anna tok i bruk nye metodar som spørjeskjema og tverrsnittsundersøkingar.
Av pionérarbeid i amerikansk psykologi kan nemnast grunnlegging av det første formelle laboratoriet i 1882, det første tidsskriftet, American Journal of Psychology, og dessutan organisering av American Psychological Association.