Jacob er eit mannsnamn. Det er ein stavevariant av Jakob som har omdiskutert tyding. I Det gamle testamentet er namnet forklart som ‘halde i hælen’, men det er mogleg at namnet i staden tyder ‘må Gud verne’.
Namnet har fleire variantar: Iacob, Jacob, Jakob, Jakop.
Personar med namnet Jacob
Kulturell bruk
- «Jacob» (1891) var Alexander Kiellands siste roman.
Kjende personar med namnet Jacob
Eit utval personar med namnet Jacob, og som er omtalt i Store norske leksikon:
- Jacob Jordaens (1593–1678)
- Jacob van Ruysdael (1628–1682)
- Jacob Johan Anckarström (1762–1792)
- Jacob Aall (1773–1844)
- Jacob Berzelius (1779–1848)
- Marcus Jacob Monrad (1816–1897)
- Jacob Breda Bull (1853–1930)
- Jacob Prytz (1886–1962)
- Ole Jacob Sunde (1954)
- Hans Jacob Frydenlund (1959)
Namnestatistikk
I 2022 var det 3 959 menn i Noreg som hadde Jacob som det einaste førenamnet eller som det fyrste av fleire. I 2022 var det 116 gutar som fekk namnet Jacob.
Utvikling i bruk av namnet
Namnestatistikken for 1800-talet baserer seg på folketeljingar, og då var det oftast registerføraren som bestemte kva for stavevariant som skulle førast inn i teljinga – ikkje namneberaren sjølv. Derfor er variantane Jakob og Jacob slått saman, og dei er presenterte med ei felles kurve for 1800-talet. Jakob og Jacob er blant dei bibelske namna som var ein del brukte tidleg på 1800-talet og som fekk eit nytt oppsving rundt år 2000. Andre døme på bibelske namn med liknande kurveprofil er Andreas, Daniel, Elias, Gabriel, Johannes, Jonas og Samuel. Populariteten for slike bibelske namn kan sjåast i samanheng med det internasjonale oppsvinget for desse namna dei siste åra. Nokre av dei har – til liks med Jacob – ein internasjonal stavemåte, til dømes Philip, Joachim, Lucas, Marcus og Michael.