Chivu Stoica
Chivu Stoica
| ||
---|---|---|
![]() | ||
Naissença | 8 d'agost de 1908 | |
Decès | 18 de febrièr de 1975 | |
Primièr ministre de ![]() | ||
Periòde de govèrn: | 2 d'octobre de 1955 - 21 de març de 1961 | |
Predecessor: | Gheorghe Gheorghiu-Dej | |
Successor: | Ion Gheorghe Maurer | |
Chivu Stoica (1908-1975) òme politic, foguèt primièr ministre de Romania entre 1955 e 1961. Foguèt tanben president del país, entre los ans 1965 e 1967.
Stoica nasquèt a Smeeni, una vila de la província de Buzău, en essent lo sièisen filh d'una familha campanharda[1]. A l'edat de 12 ans daissava l'ostal familiar e començava de trabalhar coma aprentís als camins de fèrre romaneses (en romanés Căile Ferate Române). L'an 1921 s'establissiá a Bucarèst, ont trabalhava coma rodièr a las entrepresas Vulcan, Lemaitre e Malaxa. Coneissiá ailà Gheorghe Vasilichi, que lo va recrutar pel Partit Comunista Romanés[1].
A la prima de l'an 1931, Stoica passava a trabalhar en los talhièrs del Camin de fèrre a Griviţa, ont coneguèt Gheorghe Gheorghiu-Dej, Vasile Luca, e Constantin Doncea, e organizèt amassa amb eles una cauma generala[1].Lo 20 d'agost de 1934, foguèt detengut e posteriorament condemnat a 15 ans de preson per lo sieu ròtle en la Cauma Generala de l'an 1933[2]. Dins la preson de Târgu Jiu, èra un dels comunistas empresonats mai prèps de Gheorghiu-Dej, que segon qualques autors poiriá aver volgut que Stoica foguèsse lo sieu successor coma Secretari General del PCR.
Foguèt membre del Comitat Central e del Politburo del PCR entre los ans 1945 e 1975, en essent primièr ministre de Romania entre 1955 e 1961 e President de la Republica Populara de Romania entre los ans 1965 e 1967.
En los ans posteriors a la nominacion de Nicolae Ceauşescu en l'an 1967 coma president romanés, Stoica èra escartat del poder en favor d'aquel e la siá molhèr Elena. Moriguèt en febrièr de l'an 1975 coma consequéncia d'una ferida que se faguèt al cap quand èra de caça als environs de Bucarèst, malgrat que se creèt la brusor qu'èra estat un suicidi, e mai se los dobtes al respècte ne demòran fins uèi.
Referéncias
[modificar | Modificar lo còdi]- ↑ 1,0 1,1 et 1,2 Paula Mihailov Chiciuc, "Din înaltul ordin al partidului", Jurnalul Naţional, 18 de julio 2006
- ↑ Stelian Tănase, Dej - omul resentimentului, from Magazin Istoric
Precedit per Gheorghe Gheorghiu-Dej |
![]() Primièr ministre de Romania 1955 - 1961 |
Seguit per Ion Gheorghe Maurer |
Precedit per Gheorghe Gheorghiu-Dej |
![]() President de Romania 1965-1967 |
Seguit per Nicolae Ceauşescu |