Indi (lenga)

Se d'unes caractèrs d'aqueste article s’afichan mal (carrats vuèges, punts d’interrogacion…), consultatz la pagina d’ajuda Unicode.

L'indi (autonim हिन्दी hindī, AFI:  [ˈɦɪndiː]) es una lenga indoariana, apartenent a la familha indoeuropèa. Parlat dins una zona plan vasta del nòrd d'Índia, l'indi ten la foncion de lenga comuna e oficiala en Índia. Es gaireben la meteissa lenga que l'ordo: indi e ordo son doas lengas per elaboracion qu'apertenon al diasistèma comun nomenat indostani. L'indi s'escriu amb l'alfabet devanagari mentre que l'ordo utiliza l'alfabet arabi.

Indi

हिन्दी
Parlat en	Índia
Locutors	aperaquí 480 milions
Tipologia	SVO
Classificacion lingüistica
Lengas indoeuropèas Lengas indoiranianas indoarian Lengas indoarianas centralas Indostani Indi
Estatut oficial
Oficial de	Índia
Còdis lingüistics
ISO 639-1	hi
ISO 639-2	hin
ISO 639-3	hin
Ethnologue	hin
Glottolog	hind1269
Linguasphere	59-AAF-qf
ASCL	5203
IETF	hi

L'indi es la mai parlada de las lengas d'Índia: d'aprèp l'edicion de 1999 del World Almanach, mai de 360 milions de personas l'utilizarián coma primièra lenga.

Oficialament, deuriá servir de lingua franca en Índia, çò que, dins los faches, es pas lo cas perque solament 50% de la populacion declara l'utilizar.