Guèrra Civila de Sri Lanka
|
Guèrra Civila de Sri Lanka
| |
|---|---|
 | |
| Informacions generalas | |
| Data | 23 de julhet de 1983 - 27 de mai de 2009 |
| Luòc | Sri Lanka |
| Casus belli | Revendicacions independentistas de la minoritat tamola |
| Eissida | Victòria srilankesa |
| Belligerants | |
 Sri Lanka
|
Tigres de Liberacion de l'Eelam Tamol |
| Pèrdas | |
| 28 700 mòrts
|
27 000 mòrts |
| Nòtas | |
| 30 000-50 000 civius tuats | |
La Guèrra Civila de Sri Lanka se debanèt de 1983 a 2009 entre Sri Lanka e la guerilha dei Tigres de Liberacion de l'Eelam Tamol (LTTE). De 1987 a 1990, Índia assaièt d'intervenir per impausar de negociacions entre lei dos camps mai sa fòrça de mantenement de la patz se turtèt a l'oposicion dei LTTE e deguèt se retirar après divèrseis atacas de la guerilha. Lo conflicte foguèt entraïnat per lei revendicacions d'autonòma puei d'indenpendéncia de la minoritat tamola dau nòrd de l'illa.
Fòrça lòng, lo conflicte foguèt marcat per divèrsei periòdes de trèva e de negociacions entre la guerilha e lo govèrn de Sri Lanka. L'equipament e l'organizacion de la guerilha, que venguèt la premiera guerilha equipada d'una flòta e d'una aviacion, foguèron tanben un factor permetent d'explicar la durada de la guèrra. Fin finala, après una tièra de desfachas au començament dau sègle XXI, lo govèrn decidiguèt de crompar d'equipaments militars modèrns en quantitats importantas. Aprofichèt tanben de divisions intèrnas au sen de la guerilha per esquichar sei fòrças dins lo sud de l'illa. Puei, a partir de 2006, poguèt se concentrar sus lo nòrd de l'illa. A partir de 2008, lei Tigres Tamols se retirar vèrs lo nòrd e la capitala de lor estat foguèt conquista lo 2 de genier de 2009. Aquò marquèt l'afondrament de la guerilha que foguèt definitivament vencuda en mai de 2009.