John Hansen Sørbrøden
| John Hansen Sørbrøden | |
 John Hansen Sørbrøden på eit portrett av Christian Olsen. Måleriet tilhøyrer Eidsvoll 1814. Frå DigitaltMuseum | |
| Statsborgarskap | Noreg |
| Fødd | 3. mai 1775 Berg kommune |
| Død |
8. desember 1857 (82 år) |
| Yrke | bonde, politikar |
| Språk | norsk |
| John Hansen Sørbrøden på Commons | |
John Hansen Sørbrøden (3. mai 1775–8. desember 1857) var ein norsk gardbrukar, eidsvollsmann og stortingsmann frå Berg i Østfold.
Sørbrøden stamma frå ei gammal lensmanns-slekt, som hadde flytta til Østfold frå Båhuslen då dette området vart innlemma i Sverige i 1658. Han tok over farsgarden Sørbrøn i 1807. I krigsåra 1808-09 reiste han fleire gongar over riksgrensa mot Sverige, for å orientere seg om kva fienden føretok seg og kvar styrkane låg. Informasjonen formidla han til leiande norske aktørar, som kommandør Juul og kanselliråd Dahl.
Sørbrøden var ein kjend, omreisande predikant, og stod sentralt i Hauge-rørsla. Slektsgarden Sørbrøn vart eit haugiansk sentrum i området.
Med sine kontaktar i ulike miljø, var Sørbrøden ein viktig aktør i det lokale, politiske landskapet i 1814. Til riksforsamlinga på Eidsvoll var han utsending frå Smaalenenes amt. Han slutta seg der til sjølvstendepartiet, i dei andre politiske sakene fylgde han trufast den lokale prosten, Peter Hount.
Sørbrøden var vararepresentant til stortinga i 1815–16 og 1818. Han var stortingsrepresentant i 1833, medlem av konstitusjonskomiteen.
Kjelder
[endre | endre wikiteksten]- Tallak Lindstøl: Stortinget og Statsraadet 1814-1914. Kristiania, 1914
- Biografisk informasjon om John Hansen Sørbrøden NSD Norsk senter for forskningsdatas politikararkiv