Føniksordenen

	Sirius Svaart
Kjønn	Mann
Familie	Familien Svaart
Lojalitet	Føniksordenen
Fyrste opptreden	Harry Potter og fangen fra Azkaban; (blir nemnt i Harry Potter og De vises stein )

	Remus Lupus
Art	menneske og varulv
Kjønn	Mann
Lojalitet	Føniksordenen, Galtvort og Lupus-familien.
Fyrste opptreden	Harry Potter og fangen fra Azkaban

Føniksordenen
	Frå bokserien om Harry Potter
Hovudkvarter	12 Grimmauld Place (i bok fem og seks) ; Hiet (i bok sju)
Leiar(ar)	Albus Humlesnurr
Intensjonar	Å hindra Voldemort frå sine planar om verdsherredøme
Fiendar	Voldemort og dødsetarane ; Tidlegare: Magidepartementet
Fyrste opptreden	Harry Potter og Føniksordenen

Denne artikkelen handlar om organisasjonen. For den femte boka med same namn, sjå Harry Potter og Føniksordenen.

Føniksordenen (engelsk Order of the Phoenix) er ein fiktiv organisasjon i bokserien Harry Potter av J.K. Rowling. Organisasjonen blei skipa av Albus Humlesnurr for å nedkjempa Voldemort og dødsetarane. Boka Harry Potter og Føniksordenen har namnet sitt etter organisasjonen.

Organisasjonen blei til under dei fyrste herjingane til Voldemort, før han sporlaust forsvann etter å ikkje ha klart å drepa Harry Potter, som då var éitt år. Då han stod opp frå ein tilstand nærmast lik død mot slutten av den fjerde boka, Harry Potter og ildbegeret, blei organisasjonen gjenoppretta. Dette skjedde på berre rett under timen etter at det hadde skjedd, då Harry Potter sjølv overlevde, og kunne fortelja Dumbledore om kva som hadde skjedd. Trolldomssamfunnet trudde ikkje det kunne vera sant då Potter fortalde historia, noko som tvinga organisasjonen til å arbeida skjult for Magidepartementet heilt fram til slutten av bok fem, då ein stor kamp med Voldemort, dødsetarane og Føniksordenen i sjølve departementet fekk dei til å innsjå at dei tok feil.

Medlemmer i den opphavlege ordenen

Jakob Potter

Jakob Potter (engelsk James Potter, 1958-1981) var faren til Harry Potter i serien Harry Potter. Han var gift med Lilly Potter. Jakob var ein dyktig trollmann, og eit respektert medlem av Føniksordenen. Dei beste venene hans var Sirius Svaart, Remus Lupus og Petter Pittelpytt, medan han var uven med Severus Slur, som han ofte dreiv gjøn med i ungdommen. I 1981 vart han og Lilly drepne av Fyrst Voldemort i eit forsøk på å ta livet av den då eitt år gamle sonen Harry.

Lilly Potter

Lilly Potter (fødd Lilly Eving, engelsk: Lily Potter/Lily Evans) var mora til Harry Potter i bøkene om Harry Potter. Ho var gift med Jakob Potter. I boka levde Lilly Potter frå 1960 til 1981.

Foreldra til Lilly var gompar (ikkje-magikarar). Lilly var ein flink student ved Galtvort, og særleg Eliksir-læraren Professor Snilehorn var særs nøgd med henne. Ved Galtvort trefte ho Jakob, som ho seinare gifta seg med. Ho vart drepen av Fyrst Voldemort i eit forsøk på å ta livet av sonen Harry. Ved å ofra sitt eige liv for å berga Harry, gav ho han eit vern mot Voldemort, slik at han ikkje kunne skada Harry. Etter at Lilly døydde, vart Harry levert til systera hennar, Petunia.

Remus Lupus

Remus Johannes Lupus (engelsk Remus Lupin, 10. mars 1960-2. mai 1998), også kjent som Luna, er ein karakter i Harry Potter-serien. I filmane blir Lupin spelt av David Thewlis.

Lupus blir fyrst introdusert i Harry Potter og fangen fra Azkaban, som Harry sin nye lærar i forsvar mot svartekunster-faget på Galtvort. Han er halvblods, og seinare varulv. Når han kom til Galtvort blei han plassert i huset Griffing, saman med Jakob Potter, Sirius Svaart og Peter Pittelpytt, som blei hans beste vener på Galtvort. Mens han var her, var han ein av Marauders, som var desse fire venene. Dei laga urkruttkartet og blei saman animagusar (utanom Remus, sidan han allereie var varulv, men venene ville bli dyr så dei kunne vere med han når han var forvandla). Etter Galtvort blei Lupus med i Føniksorderen, ettersom det ikkje vart særleg enkelt å skaffe seg ein jobb når ein er ein varulv. Han mista alle sine vennskap under Den Fyrste Trollmanskrigen. Seinare gjenoppretta han venskapet sitt med Sirius Svaart. Remus hambuse er fullmåne, og kva type stav han har er ukjend.

Remus voks opp hos Herr og Fru Lupus, men det er ikkje mykje kjend om hans barndom som menneske. På 1960-talet klarte Herr Lupus å få irritert varulven Fenris Vargar på seg, som gjorde at han kom etter Remus. Foreldra var fortvila over skjebnen til sonen, men ettersom det ikkje er noko å gjere med varulvforbanninga, kunne dei ikkje forsvara han. Foreldra var usikre på å sende Remus til Galtvort grunna tryggleiken til andre elevar, men Albus Humlesnurr ville med eit par vilkår la Remus med glede komme og studere magi på Galtvort. Han måtte gøyme at han var varulv, og kvar fullmåne måtte han seie han blei sjuk eller måtte vitje si sjuke mor. I røynda gjekk han i dekning for at ingen skulle bli bitt av han når han var i ulveham. Kvar fullmåne fylgde Madam Pomfritt Remus til prylepila (som blei plante det året han kom til Galtvort på grunn av han ), så han kunne følgje tunnelen til hylehuset og at han gøymte seg der. Det vart kalla hylehuset fordi folk høyrte hyl frå huset. Dei trudde det var vonde ånder, men kom frå varulven Remus. Men oppveksten til Remus var ikkje enkel. Sidan han ikkje fann nokon menneske å angripe eller gå laus på, byrja han å klore og bite seg sjølv. Som varulv gløymte han kven han var. Når venene til Remus fann ut at han var varulv, blei dei ikkje sinte eller redde, men bestemte seg altså for å bli animagusar så dei kunne vere med han og halde han i sjakk.

Dei utforska Galtvort- og Galtvang- området meir enn nokon sannsynlegvis nokon gong har gjort. Men Remus fortalde ikkje Humlesnurr om at venene trente seg opp til animagusar, og at han utnytta Humlesnurr sitt tolmod og forståing, til å la han få gå på Galtvort. Seinare hadde Lupus alltid skuldkjensle for dette. Som vaksen blir Lupus professor ved Galtvort.

Harry møter for fyrste gong Professor Lupus på Galtvortekspressen når han må dele kupé med han, Ronny og Hermine. Ettersom Harry trur at Lupus søv, snakkar dei om Sirius Svaart som dei trur er etter Harry. Då kjem ein desperant inn på toget og overfell Harry. Professor Lupus hjelper Harry å jage vekk desperanten, men det reddar han ikkje frå dei skrekkelege tinga desperantar gjer mot kvar ein som kjem for nær.

Etter Remus opptreden i Harry Potter og fangen fra Azkaban, får ikkje lesaren møte Remus igjen før Harry Potter og Føniksorderen, der han er ein av dei frivillige som er med for å hente Harry i Hekkveien 4. Han er ein del av Føniksordenen som kjempar mot Voldemort og oppheld seg ein del på Grimoldsplass 12 som er Føniksordenen sin opphaldsplass.

I slutten av Harry Potter og Halvblodsprinsen er Remus Lupus med og kjempar mot dødsetarane som hadde snike seg inn på Galtvort. Lupus vert vitne til at Severus Slur drep Albus Humlesnurr. Nymphadora Dult er også med, og i sjukestova på Galtvort blir det snakk om eit forhold mellom dei to. Remus klarar heller ikkje tru at Severus Slur kan ha drepe Humlesnurr, sidan Humlesnurr stoler på Slur.

I den siste Harry Potter-boka har Remus gifta seg med Nymphadora Dult. Dette skjedde i juli 1997, altså i sommarferien før Harry Potter skulle ha starta sitt sjuande år på Galtvort. Seinare møter Remus Harry Potter, Ronny Wiltersen og Hermine Grang på Grimoldsplass 12 når dei er på jakt etter ein malacrux. Remus fortel at Nymphadora er med barn og alle tre viser stor interesse og gratulerer han. Men Remus forklarer at han er usikker på om at han skulle gjort henne gravid, for han klarer ikkje tanken på om barnet skulle bli født som varulv.

Remus Lupus kjemper i Slaget ved Galtvort og blir drepen av Antonin Dolohov. Hans kone bli også drepen, men Harry Potter er Teddys gudfar og då den einaste 'familien' han har igjen. Som Harry får ikkje Teddy vokst opp med foreldrene sine.

Sirius Svaart

Sirius Svaart (på engelsk Sirius Black, ofte kalla Padfoot) er ein fiktiv karakter i bokserien Harry Potter av J.K. Rowling, der han er ein trollmann. I filmane er det Gary Oldman som speler Black som vaksen, og James Walters som speler Black i tenåra.

Fyrste gongen Svaart blir nemnt i bøkene er allereie i det fyrste kapitlet av Harry Potter og De vises stein; det var Svaart som lånte vekk den gigantiske, flygande motorsykkelen som Rubeus Gygrid kjem flygande på. Han har med seg babyen Harry Potter, som skal bu hjå tanta og onkelen sin. Han blir ikkje nemnt noko meir i den boka; det er fyrst i tredje boka, Harry Potter og fangen fra Azkaban, at han blir ein del av historia igjen. Her rømmer han som den fyrste nokon gong frå trollmannsfengselet Azkaban, der han har tilbrakt dei siste 13 åra etter å ha blitt dømd for å sprengja tolv umagiske menneske og Petter Pittelpytt i fillebitar på open gate. Då han rømmer trur alle at han er ute etter å drepa Harry Potter. Det viser seg seinare at han er uskuldig og at det var Petter Pittelpytt sjølv som sprengde dei tolv menneska i lufta og kom seg unna. Etter dette blir Svaart ein svært god ven av Harry Potter, og ein viktig rådgjevar for han.

I den femte boka, Harry Potter og Føniksordenen, blir Svaart treft av ein trylleformel som Bellatrix DeMons sender i han(Avada Kedavra, mordformelen), i den siste og avgjerande kampen i boka. Svaart døyr av dette, og det blir stor sorg i Føniksordenen; spesielt for Harry Potter.

Familie

       Finius Persillius Svaart                  
                  :
            Herr og Fru Svaart
              ____|_______________________
             |                            | 
 Herr Svaart + Fru Svaart     Herr Svaart + Fru Svaart      
       ______|_________                  _|_______________________________________
      |                |                |                  |                      | 
Sirius Svaart   Regulus Svaart    Bellatrix + Rodolfus  Narsissa + Lucius   Andromeda + Petter
                                    Svaart     DeMons     Svaart | Malfang     Svaart | Dult
                                                                 |                    |
                                                          Draco Malfang         Nymfadora Dult

Gary Oldmann spelar Sirius Svaart i Harry Potter-filmane, 2011.

Kasper Dilligant

Kasper Dilligant er ein figur i den litterære verda som av den britiske forfattaren J.K. Rowling har skapt om Harry Potter og skolegangen på Galtvort. Han var medlem av den opphavlege føniksordenen. Truleg vart han drepen av dødsetarane, men vart aldri funnen.

Andre

Elfias «Stinkern» Dogger (engelsk Elphias Doge, fødd ca. 1881) var klassekamerat av Albus Humlesnurr, og byrja på Galtvort same dag som han. Tilnamnet «Stinkern» har vorte kjent via Rita Slita.I filmane blir Dogger spelt av Peter Cartwright og David Ryall.^[1]

Edgar Beining
Dedalus Dølg
Aberforth Humlesnurr
Albus Humlesnurr
Benjamin Fylling
Arabella Figg
Mundungus Fletcher
Rubeus Gygrid
Frank og Alinda Langballe
Minerva McSnurp
Marlene McMester
Dorte Merkelin. Ho vart introdusert til lesarane igjennom eit fotografi av den originale gjengen i Føniksordenen. Ho vart drepen av Fyrst Voldemort personleg, noko som synte kor viktig ho var i kampen mot han.
Alastor «Galøye» Moody
Petter Pittelpytt
Sturgis Podmore
Fabian og Gideon Prewett
Severus Slur
Emmelin Vals

Nye medlemmer i den gjenoppretta ordenen

Nymfadora Dult

Nymfadora Dult

Art	menneske og metamorf-magus
Kjønn	Kvinne
Lojalitet	Føniksordenen, Galtvort, Lupus-familien, Dult-familien.
Fyrste opptreden	Harry Potter og Føniksordenen

Nymfadora Dult (1973- 2.mai 1998) (på originalspråket engelsk: Nymphadora Tonks) er ein svartspanar som jobbar for Magidepartementet og er med i Føniksordenen. Ho er ein metamorf-magus, som er ein fordel når ein er svartspanar. Ho likar ikkje å bli kalla Nymphadora, men føretrekkjer Dult. Hårfargen til Dult kan variere, men er ofte tyggegummi-rosa. Ho er halvblods. Nymfadora Dult gjekk på Galtvort høyere skole for hekseri og trolldom og var plassert i Håsblås. Ho beskreiv seg sjølv som useriøs og rampete då ho forklarte kvifor ho trur ho ikkje blei prefekt i 5.klasse på Galtvort. Nymfadora er dotter av Ted og Andromeda Dult. Andromeda Dults søster er Bellatrix DeMons, som før båe søstrene heitte Svaart til etternamn. Då Andromeda gifta seg med Ted Dult som ikkje var fullblods, blei ho utestengt frå familien og biletet av henne på Svaarts familietre vart brent vekk. Nymphadoras besteforeldre er Cygnus Svaart og Druella Rosier.

I 1998 får Dult ein son med Remus Lupus som dei kallar Teddy, etter bestefaren. Han er også metamorf-magus. Men Nymphadora døyr i slaget ved Galtvort med Remus. Ho blir drepen av Bellatrix DeMons.

Familietre

       Finius Persillius Svaart                  
                  :
            Herr og Fru Svaart
              ____|_______________________
             |                            | 
 Herr Svaart + Fru Svaart     Herr Svaart + Fru Svaart      
       ______|_________                  _|_______________________________________
      |                |                |                  |                      | 
Sirius Svaart   Regulus Svaart    Bellatrix + Rodolfus  Narsissa + Lucius   Andromeda + Petter
                                    Svaart     DeMons     Svaart | Malfang     Svaart | Dult
                                                                 |                    |
                                                          Draco Malfang         Nymfadora Dult

I filmane blir Nymphadora Dult spelt av Natalia Tena.

Andre

Kjelder

↑ Engeslk Harry Potter Wikia

Harry Potter Wiki: Remus Lupin
en.wikipedia.org: Remus Lupin
no.wikipedia.org : Remus Lupus
Harry Potter og fangen fra Azkaban av J.K.Rowling
Harry Potter og Føniksorderen av J.K.Rowling

[1] Engeslk Harry Potter Wikia

[1]