Rocky Mountains

Rocky Mountains er ei brei fjellrekkje i dei vestelege områda av Nord-Amerika. Ho strekkjer seg meir enn 4800 km frå dei nordlegaste områda av British Columbia i Canada til New Mexico i USA. Den høgaste toppen er Mount Elbert i Colorado på 4 401 m. Mount Robson i British Columbia er med sine 3 954 m den høgaste toppen i den kanadiske delen av fjellrekkja.

Rocky Mountains

fjell

Rocky Mountains 44.5°N 113.5°W / 44.5; -113.5

Kart som viser Rocky Mountains. Kart som viser Rocky Mountains.

Wikimedia Commons: Rocky Mountains

Geografi

Rocky Mountains er definert til å strekkje seg frå Liard River i British Columbia til Rio Grande i New Mexico. Andre fjellrekkjer strekkjer seg vidare frå desse to elvene, Selwyn Range i Yukon, Brooks Range i Alaska, og Sierra Madre i Mexico. Desse er ikkje ein del av Rocky Mountains, men er ein del av den amerikanske kordilleren. I USA vert derimot Cabinetfjella og Salishfjella i Idaho og Montana rekna som ein del av fjellkjeda, medan den kanadiske delen av desse fjella vert rekna som eit anna system i Canada.

Alle formene av vatn har vore med på å forme det noverande landskapet i Rocky Mountains. Snøsmelting og smeltevatn frå isbrear gjev vatn til elvane og innsjøpane rundt fjellkjeda, som utgjer om lag ein fjerdel av alle vasskjeldene i USA. Elvene som strøymer ut frå Rocky Mountains renn til slutt ut i tre av verdshava: Atlanterhavet, Stillehavet og Nordishavet. Desse elvene er:

• Arkansas River
• Athabasca River
• Clark Fork River
• Colorado-elva
• Columbiaelva
• Coeur d'Alene River
• Fraser River
• Kootenay River
• Missouri River
• North Saskatchewan River
• Peace River
• Platte River
• Elva Rio Grande
• South Saskatchewan River
• Snake River
• Yellowstone River

Det kontinentale vasskillet ligg i Rocky Mountains, og er ei linje der vatnet anten strøymer ut i Atlanterhavet eller Stillehavet. Triple Divide Peak (2 444 m) i Montana har fått dette namnet fordi nedbøren som fell på fjellet renn ut i både Atlanterhavet, Stillehavet og Nordishavet.

Galleri

• 
  Moraine Lake og Valley of the Ten Peaks i Banff National Park i Alberta i Canada
• 
  Cathedral-gruppa av Teton Range i Grand Teton National Park i Wyoming.
• 
  Wasatch Front i Rocky Mountains i Utah.

Bakgrunnsstoff

Wikimedia Commons har multimedia som gjeld: Rocky Mountains

• Blue Planet Biomes - Rocky Mountains Arkivert 2006-08-12 ved Wayback Machine.