Oran
Oran er ein by i Algerie med ca. 850 000 innbyggjarar.
| Oran | |||
| by | |||
 | |||
| Land |  Algerie
| ||
|---|---|---|---|
| Areal | 64 km² | ||
| Folketal | 803 329 (14. april 2008)[1] | ||
 Oran 35°41′49″N 0°37′59″W / 35.696944444444°N 0.63305555555556°W | |||
| Wikimedia Commons: Oran | |||
Historie
endreDagens Oran blei grunnlagd i 903 av azdaja- og ajissa-berbarar frå Maghrawa-føderasjonen som hadde budd i området over lengre tid.[2] Byen hadde ein velståande periode under almohadkalifen Abd al-Mu'min, som bygde tretti skip for å knytta han til Andalusia.[2] Han var også ein rik hamneby under zayyaniden av Tlemcen, som særleg dreiv handel med Spania herfrå.[3] Oran blei erobra av Castilla under kardinal Cisneros i 1509, og var under spansk styre til 1708, då han blei teken av algerarar ved omleiringa av Oran (1707–1708). Spania tok byen tilbake i 1732. Under kong Karl IV av Spania blei byen så teken av ein koalisjon av algeriske styrkar i perioden 1790-1792. Ein bey styrte byen til 1831, då han blei teken av det franske Julimonarkiet.
Byen var underlagd Vichy-regimet under andre verdskrigen, men blei frigjort av dei allierte i Operasjon Torch i 1942.
Klima
endreOran har eit mildt klima om vinteren, og varmt om sommaren. Om vinteren kan ein ha temperaturar ned i 5°C, om sommaren kan dei bli opptil 46°C.
Kjelder
endre- ↑ 1,0 1,1 1,2 1,3 «Oran (Oran / Es Sénia / Bir El Djir, Oran, Algeria) - Population Statistics, Charts, Map, Location, Weather and Web Information». Arkivert frå originalen 24. august 2024. Henta 24. august 2024.
- ↑ 2,0 2,1 Jewish Culture and Society in North Africa. Indiana University Press. 2011. ISBN 978-0-253-00146-7.
- ↑ Cities of the Middle East and North Africa: A Historical Encyclopedia. Abc-Clio. 2007. ISBN 978-1-57607-919-5.
- Denne artikkelen bygger på «Oran» frå Wikipedia på bokmål, og «Oran» frå Wikipedia på engelsk den 6. mars 2024.
