Jane Mykle

Jane Mykle (13. februar 1913–17. juni 1995) var ein norsk dokketeaterskapar og lokalpolitikar. Ho var gift med forfattaren Agnar Mykle frå 1942 til 1957.

Jane Mykle
Jane Mykle og forfattaren Agnar Mykle 1958, etter frifinninga i «Myklesaka» der Agnar Mykle vart skulda for å ha skrive ein pornografisk roman. Foto: Billedbladet NÅ/Arkivverket
Fødenamn	Axeliane Christine Zetlitz Kielland
Statsborgarskap	Noreg
Fødd	13. februar 1916
Død	17. juni 1995 (79 år) Asker
Yrke	politikar, skribent
Språk	norsk
Politisk parti	Sosialistisk Venstreparti
Jane Mykle på Commons

Liv og arbeid

Mykle hadde artium, kveldsskule frå BHKS og eit år ved SHKS. Ho studerte vidare i London og Paris og arbeidde som blomedekoratør, hanskemakar m.m. Ho traff Agnar Mykle i 1939, og gifta seg med han i 1942. Etter skilsmissa i 1957 var han leigebuar hos ho frå 1963, og dei tidlegare ektefellane opprettheldt tett kontakt resten av livet.

Jane og Agnar Mykle var pionerar innan norsk dokketeater, med utdanning frå Marcel Temporal sitt Temporals institutt for dukketeater i Paris. Ekteparet Mykle skipa Norsk Dukketeater i 1949, og dei to skreiv ei lærebok i dette emnet. Norsk Dukketeater inngjekk sidan samarbeid med Folketeatret.

Mykle sat i Asker kommunestyre for SF/SV frå 1968 til 1983, og seinare i fylkestinget i Akershus.

Sonen til Agnar Mykle frå fyrste ekteskap, Arne Bust Mykle (1937–2015), arbeidde også med dokketeater, og overtok etter kvart Norsk Dukketeater saman med den dåverande kona si Bjørg Mykle. Dei utvikla blant anna barne-TV-serien om Pompel og Pilt frå 1969.

Prisar og utmerkingar

• Kirke- og undervisningsdepartementets premiering for Dukketeater i 1954, saman med Agnar Mykle

Bibliografi

• Dukketeater! (lærebok, saman med Agnar Mykle), 1954; gjeven ut på ny i 1967 og 1995

Litteratur

• Alf van der Hagen. En annen Mykle : møter med Jane Mykle. 1994 ISBN 82-7094-695-8
• Dukketeater underveis : familien Mykle og Norsk dukketeater. Ved Arne Bust Mykle, Tone Sinding Steinsvik og Sverre Følstad. Stiftelsen Modums blaafarveværk , 2006. ISBN 978-82-90734-36-2

Kjelder

• Denne artikkelen bygger på «Jane Mykle» frå Wikipedia på bokmål, den 15. mars 2023.

Bakgrunnsstoff

Commons har multimedium som gjeld: Jane Mykle

• Jane Mykle hos Sceneweb