Corona Schröter

	Corona Schröter
	;
Fødd	14. januar 1751
Fødestad	Guben
Død	23. august 1802 (51 år)
Dødsstad	Ilmenau
Opphav	Tyskland
Instrument	vokal
Stemmetype	sopran
Verka som	skodespelar, songar, komponist, teaterskodespelar, låtskrivar
Far	Johann Friedrich Schröter

Corona Elisabeth Wilhelmine Schröter (14. januar 1751–23. august 1802) var ein tysk komponist, sopransongar og skodespelar.

Schröter og Goethe på scena som Iphigenie og Orest. Måleri av Georg Melchior Kraus (1737–1806).

Liv og virke

Corona Schröter var fødd i Guben i Markgrevskapet Niederlausitz. Far hennar var oboist i eit regimentorkester og gav borna sine grunnleggande musikkundervisning. Bror til Corona Johann Samuel (1752–1788) var pianist og komponist.

Familien flytta til Leipzig der Corona Schröter fekk songundervisning av Johann Adam Hiller. I Leipzig vart ho kjend med Johann Wolfgang von Goethe. Han vart inntatt i henne,^[1] og etter at han flytta til Weimar, hjelpte han henne til post som hoffvokalist og kammersongar byen. I Weimar gjekk ho òg på den Goethe-støtta teikneskulen Fürstliche freie Zeichenschule. Corona Schröter var gåverik på mange område, også som skodespelar, og ho vart midtpunkt i Goethes Liebhabertheater der ho mellom anna var den første som gestalta Iphigenie i dramaet Iphigenie auf Tauris (1789).

Schröter tonesette Goethes syngespel Die Fischerin og spelte hovudrolla under uroppføringa i Tiefurt 1782.^[2] Ho var den første som tonesette Goethes Erlkönig (1782). I 1786 gav ho ut ei samling på 25 lieder.

Frå 1788 trekte Schröter seg gradvis vekk frå hofflivet og i 1801 flytta ho og den mangeårige venninna Wilhelmine Probst til Ilmenau i Hertugdømet Sachsen-Weimar-Eisenach i dagens Thüringen. Eit år seinare døydde Schröter der av tuberkulose.

Kjelder

Marion Brück: Schröter, Corona Elisabeth Wilhelmine. I Neue Deutsche Biographie. Bind 23, Duncker & Humblot, Berlin 2007, ISBN 978-3-428-11204-3, s. 585 f.
Hans Michael Schletterer: Schröter, Corona. I Allgemeine Deutsche Biographie (ADB). Bind 32, Duncker & Humblot, Leipzig 1891, s. 560–567.
Biografi, litteratur og kjeldemateriale om Corona Schröter, fembio.org, Institut für Frauen-Biographieforschung

Referansar

↑ Corona Schröter, perlentaucher.de. Omtale av Peter Braun: Corona Schröter – Goethes heimliche Liebe. Artemis & Winkler, Düsseldorf 2004, ISBN 3-538-07191-8.
↑ Gabriele Busch-Salmen: Die Fischerin. I Gabriele Busch-Salmen, B. Jeßing (red.): Goethe Handbuch. J.B. Metzler, Stuttgart 2008, ISBN 978-3-476-01846-5, s. 293–315 (doi:10.1007/978-3-476-00032-3 20).

Bakgrunnsstoff

Commons har multimedium som gjeld: Corona Schröter

Verk av og om Corona Schröter i katalogen til det tyske nasjonalbiblioteket
Om Goethes Iphigenie og Corona Schröter, odysseetheater.com

[1] Corona Schröter, perlentaucher.de. Omtale av Peter Braun: Corona Schröter – Goethes heimliche Liebe. Artemis & Winkler, Düsseldorf 2004, ISBN 3-538-07191-8.

[2] Gabriele Busch-Salmen: Die Fischerin. I Gabriele Busch-Salmen, B. Jeßing (red.): Goethe Handbuch. J.B. Metzler, Stuttgart 2008, ISBN 978-3-476-01846-5, s. 293–315 (doi:10.1007/978-3-476-00032-3 20).

[1]

[2]