Bobby Bland
Robert Calvin Bland, kjent som Bobby «Blue» Bland, (27. januar 1930–23. juni 2013) var ein amerikansk bluessongar og eit av dei største namna innan Texas-blues. Han blei vald inn i Blues Hall of Fame i 1981,[1] Rock and Roll Hall of Fame i 1992 og Memphis Music Hall of Fame i 2012.[2] Han blei tildelt ein Grammy Lifetime Achievement Award i 1997.[3]
| Bobby Bland | |||
 | |||
| Fødd | 27. januar 1930 | ||
|---|---|---|---|
| Fødestad | Rosemark | ||
| Død | 23. juni 2013 (83 år) | ||
| Dødsstad | Memphis, Germantown | ||
| Opphav | USA | ||
| Aktiv | 1951–2013 | ||
| Sjanger | blues, soul | ||
| Instrument | munnspel, vokal | ||
| Plateselskap | Duke, Dunhill | ||
| Verka som | songar | ||
| Prisar | Grammy Lifetime Achievement Award, Rock and Roll Hall of Fame | ||
Bobby Bland byrja å spela inn plater på byrjinga av 1950-talet, men fekk ingen store hittar før i 1957, då han gav ut «Farther up the Road». Denne nådde fyrsteplassen på R&B chart og 43. plassen på Billboard Hot 100. Ei rekkje hittar på R&B-lista følgde, som «Little Boy Blue» (1958).[4] Andre av hittane hans var «I Pity the Fool» og «Turn on Your Love Light». Han spelte så å seia alltid saman med innverknadsrike bluesgitaristar. Bland spelte også inn ein hittversjon av T-Bone Walker sin «Call It Stormy Monday (But Tuesday Is Just as Bad)», som ved ein feil blei gjeven tittelen til ein annan song, «Stormy Monday Blues».[5]
Kjelder
endre- ↑ Innvalgte i Blues Hall of Fame 1981 Arkivert 17. juli 2012 på Wayback Machine. (besøkt 27. august 2012)
- ↑ «Bobby "Blue" Bland | Memphis Music Hall of Fame». memphismusichalloffame.com.
- ↑ «Bobby Bland: Biography». AllAboutJazz.com. Arkivert frå originalen 26. desember 2007. Henta 9. august 2007.
- ↑ Whitburn, Joel (1996). Top R&B/Hip-Hop Singles: 1942–1995. Record Research. s. 34–35.
- ↑ Russell, Tony (24. juni 2013). «Bobby 'Blue' Bland Obituary». The Guardian.
- Denne artikkelen bygger på «Bobby Bland» frå Wikipedia på bokmål og «Bobby Bland» frå Wikipedia på engelsk, den 5. november 2023.
