Kampsport

Kampsport eller kampkunst er ei samlenemning på systematisert kamp mellom to eller fleire personar. Oftast foregår kampaktivitetane utan bruk av moderne våpen. Ein kan studere kampsport for sjølvforsvar, sjølvutvikling, mental trening og fysisk trening.

Umar Khan, pakistansk stuntmann og kampsportkoreograf, utfører eit flygespark.

Ulike kampaktivitetar

Kampaktivitetar kan nytte ulike teknikkar som gripeteknikkar, kasteteknikkar, låseteknikkar, slag, spark og bruk av våpen. Her følgjer ei liste over ein del kampaktivitetar gruppert etter kva teknikkar som er mest framtredande for aktiviteten. Det er også oppgjeve kvar aktiviteten har opphavet sitt.

Mjuke kampaktivitetar

Mjuke kampaktivitetar legg i hovudsak vekt på kaste og låseteknikk.

Aikido: Japansk, søkjer harmoni, kasteteknikk, låseteknikk, trevåpen (stav, sverd, kniv)
Brazilian jujutsu: Brasiliansk, grepsteknikk, oftast i liggjande eller sitjande stilling
Bryting: Finst i mange former frå heile verda. Grepsteknikk, låseteknikk
Glima: Islandsk bryting i ståande stilling
Hapkido: Koreansk kasteteknikk, låseteknikk, slag, spark, våpen (stav, sverd, tau)
Judo: Japansk, kasteteknikk, låseteknikk
Jujutsu (også jiujitsu): Japansk, kasteteknikk, låseteknikk, slag, spark, noko våpenbruk
Ninjutsu eller ninja: Japansk, grepsteknikk, våpen, kamuflasje
Sambo: Russisk bryting
Shuai jiao: Kinesisk bryting
Sumo: Japansk bryting i ståande stilling

Harde kampaktivitetar

Fransk boksing (1900).

Harde kampaktivitetar nyttar slag og spark.

Boksing: Gresk/europeisk kamp med polstra nevar
Capoeira: Brasiliansk kampdans grunnlagt av slavar
Karate eller karate-do: Asiatisk, slag/spark/albogestøyt/knestøyt, ingen våpen
Kickboxing: USA, neveslag som boksing og spark som i karate
Kung fu: Kinesisk, slag/spark, eterliknar åtak frå dyr
MMA (Mixed Martial Arts)
Muay-thai: Tailandsk boksing med spark og knestøyt
Qwan ki do: Vietnamesisk, hand-/fotteknikk, hopp, etterliknar åtak frå dyr, våpen som sverd og knivar
Savate: Fransk boksing med spark
Silat eller pencak silat: Sørasiatisk, slag/spark, etterliknar åtak frå dyr
Taekwondo (også Tae Kwon Do, Taekwon-Do, Tae Kwon-Do): koreansk, slag/spark
Vale tudo: Brasiliansk, kamp utan våpen som følgjer minimale reglar
Wing Chun: Kinesisk, spesielt aggressiv nærkamp

Våpen

Fekting i Tyskland (1941).

Enkelte kampaktivitetar nyttar i hovudsak våpen.

Eskrima: Filipinsk, stokkar, sverd, knivar
Fekting: Væpna kamp med spyd, sverd, knivar, klubber, i idrett med florett, korde, sabel
Gatka: Sikhistisk frå Panjab, stokk, sverd
Jogo do Pau: Portugisisk, stokkar
Jukendo: Japansk, bajonett på tregevær
Kendo: Japansk fekting med sverd
Silambam: Indisk fekting med stokkar

Asiatiske kampaktivitetar

Asiatiske kampaktivitetar vert gjerne delt inn i desse kategoriane etter opphavslandet:

Budo, kampformer av japansk opphav
Mudo, kampformer av koreansk opphav
Wushu, kampformer av kinesisk opphav

Tradisjonelle asiatiske kampaktivitetar har ofte namn som endar på -jutsu (kunst). Moderne asiatiske kampaktivitetar, som i hovudsak har fått si noverande form på 1900-talet, har ofte namn som endar på -do (veg).