Wikipedia

Wikipedia

URL	http://www.wikipedia.org
Epònemo	wiki (it) e ensiclopedìa
Nome scursà	Wikipédia, Wikipedia, ウィキペディア, Viquipèdia, Wikipèdia, Vicipaedia, Wikipedia, Βικιπαίδεια, ဝီကီပီးဒီးယား, ويكبيديا e Wikipedia
Sorte	Ensicłopedìa online
Comerso ?	Nò
Iscrision	Opsionałe
Exlogan	the free encyclopedia that anyone can edit, الموسوعة الحرة التي يستطيع الجميع تحريرها, vapaa tietosanakirja, de vrije encyclopedie, свободная энциклопедия, которую может редактировать каждый, Die freie Enzyklopädie, 人人可编辑的自由百科全书, 人人可編輯的自由百科全書, একটি উন্মুক্ত বিশ্বকোষ, যা সবাই সম্পাদনা করতে পারে, ウィキペディアは誰でも編集できるフリー百科事典です, L'enciclopèdia de contingut lliure que tothom pot millorar, Төрлө телдә яҙылған, сикләүһеҙ ҡулланыуҙа булған ирекле интернет энциклопедия. Һәр кем уны төҙөүҙә ҡатнаша ала., آزاد دائرۃ المعارف جس میں کوئی بھی ترمیم کر سکتا ہے, La enciclopedia de contenido libre que todos pueden editar., A szabad enciklopédia, Ազատ հանրագիտարան, որը կարող է խմբագրել յուրաքանչյուր ոք:, האנציקלופדיה החופשית שכולם יכולים לערוך, Wolna encyklopedia, którą każdy może redagować, 海納百川，有容乃大 e La libera enciklopedio redaktebla de ĉiuj.
Łéngua	multiłéngua
Licensa	Creative Commons Attribuzione-Condividi allo stesso modo 4.0 Internazionale (it) e Creative Commons Attribuzione-Condividi allo stesso modo 3.0 Unported (it)
Lenguajo de programasion	PHP (it)
Motore software	MediaWiki
Online Computer Library Center	52075003
Propietàrio	Wikimedia Foundation e Jimmy Wales
Creator	Jimmy Wales, Larry Sanger
Editor	comunità di Wikipedia (it)
Desviłupatore web	Jimmy Wales e Larry Sanger
Entrada in servìsio	15 de zenaro del 2001
Stato	Stati Unii de l'Amèrica
Premi	(25 de novenbre del 2015)  Premio Erasmo (it) (2015)  Premio Principe delle Asturie per la cooperazione internazionale (it) (2005)  Grimme Online Award (en) (2005)  FSF Free Software Award for Projects of Social Benefit (en)
Clasìfega Alexa	13 (4 de novenbre del 2020) 5 (31 de otobre del 2017) 5 (7 de novenbre del 2017) 5 (20 de novenbre del 2017) 9 (2 de otobre del 2019) 10 (1° de febraro del 2020) 14 (agosto 2020) 7 (4 de apriłe del 2009) 13 (18 de disenbre del 2020)

Wikipedia ła xe na ensiclopedìa online, multiłenguìstega, ła ga un contenjudo łìbaro, scrita da vołontari che i cołàbora intra de łori e sostenjùa da ła Wikimedia Foundation, na organixasion no-profit.

Al dì de ancò ła xe pubregada in pì de 200 łengue difarente (de ste cuà so par xo 100 parlàe corentemente), co cueła ingrexe ancò la pì granda; par xonta ła ga rento parołe cofà so i argomenti propi de na tradisionałe ensiclopedìa. Ła só intension ła xe cueła de scuminsiar e difóndar na ensiclopedìa intarnasionałe lìbara inte el pì gran nùmaro de łengue posìbiłi. Wikipedia ła xe xà intra i siti de consultasion pì popołari del web, ła ga infati so par xo 60 miłioni de contati al dì.

Eł łogo de ła Wikimedia Foundation

El łanso de Wikipedia in łengua veneta el xe avenjùo inte el otobre del 2005. Uno dei vari projeti łigà a Wikipedia el xe cueło de Wikisource.

Caratarìsteghe

'L fin de Wikipedia el xe de crear na ensiclopedìa łìbara e "univarsałe", in tèrmeni sia de anpiesa che de profondità dei argomenti tratài. Wikipedia ła xe stà descrita da Jimmy Wales, uno dei só fondadori, cofà un sforso par crear e distribuir na ensiclopedìa lìbara de ła pì alta cuałità posìbile a onji sìngoła parsona sol pianeta inte ła só propia łengua.

Wikipedia ła deriva el só nome da ła conpoxision de ła paroła wiki-, tèrmene hawaiano che el senjìfega "vełose", e da -pedia, sufiso che in grego el senjìfega "formasion, insenjamento".

Wikipedia, inte łe intension de Wales, ła dovarìa arivar a na cuałità pari o mejor de ła Encyclopædia Britannica e èsar pubregà anca so carta.

So Internet A ghe xe o A ghe xe stài anca altri projeti de ensiclopedìe. Alcuni i se baxa so łe consuete połìteghe editoriałi de propietà intełetuałe so łe voxe, cofà l'Ensiclopedìa Stanford de Fiłoxofìa o l'ormài defunta Nupedia, tute do conpiłàe da esperti. Siti web pì informałi, cofà H2G2 o Everything2, i serve cofà guide xenerałi che de cuełe łe voxe łe xe scrite e controłàe da parsone comuni. Projeti cofà Wikipedia, Susning.nu, e ła Enciclopedia Libre, i xe invese wiki co łe voxe dexviłupàe da racuanti autori e che in cuełe A no ghe xe njanca un proceso formałe de revixion. Wikipedia ła xe devenjùa el pì grando de sti wiki ensiclopèdeghi par nùmaro de voxe. A defarensa de tante ensiclopedìe, el contenjudo de Wikipedia el xe stà rełasà soto ła łicensa GNU Free Documentation License.

Wikipedia ła ga rento un insenbre de łinee guida volte a identifegar cuałi tipi de informasion łe sie adate a èsar inserìe. A cueste A se fa de frecuente refarimento inte łe dìspute par desìdar se un partegołare contenjudo el ga da èsar xontà, revisto, trasferìo a un projeto sìmiłe o cavà via.

I altri projeti inte łe łengue minori

Ła varsion in łengua itałiana de Wikipedia ła xe ciamada anca it.wiki e ła xe nata a majo del 2001, soto el nome a dominio de terso łeveło it.wikipedia.org.

Inte el 2003 łe xe nate łe Wikipedia in Łatin e in Ocitan.

A apriłe 2004 A xe nasùa ła Wikipedia in Sardo, a otobre ła Wikipedia in Siciłian, a xenaro 2005 ła Wikipedia in Furlan e drio man, inte el corso del 2005, łe Wikipedie in Corso, Napołetan, Romancio, Łonbardo e a ła fin cueła che A te si drio łèxar deso, a dir cueła in Veneto. Inte el 2006 invese A xe nate łe edision in Łìgure, Piemontexe, Francoprovensałe e Tarantin. Inte el 2007 A xe nata cueła in Emiłian e in Romanjoło.