Vincenzo Cerulli
Vincenzo Cerulli (* 20. April 1859 in Teramo; † 30. Mai 1927 in Merate) weer en italieenschen Astronom.
Leven un Wark
[ännern | Bornkood ännern]Cerulli hett in Teramo en private Steernwacht bedreven, woneem he 1910 den Asteroid (704) Interamnia opdeckt hett. Bito hett he sik mit den Planet Mars befaat un em beobacht. He keem to den Sluss, dat de Mars-Kanaals, de to de Tiet vun vele Astronomen beobacht worrn sünd, op en optischen Drug baseert un dat jem in Wohrheit gor nich geev. Later hett sik wiest, dat he dormit recht harr. Tosamen mit Elia Millosevich hett he butendem en Steernkataloog tohopenstellt.
Na Cerulli is en Krater op’n Mars nöömt as ok de Asteroid (31028) Cerulli.
Weblenken
[ännern | Bornkood ännern]- Publiaktschonen vun V. Cerulli in’t Astrophysics Data System
- Naropen op V. Cerulli in’t Astrophysics Data System