Galway (Ierlaand)

Woapn van Galway

Galway (Iers: Gaillimh) is n snelst greuinden en veerde-grötste stad van Ierlaand, en de ennigste stad in de proveensie Connacht. t Ligt op de westkuste en het in t Iers ook wal Cathair na Gaillimhe: "Stad Galway". t Har in 2006 72.414 inwonners.

n Naam keump van de Corrib-rivier, de westerlike greanze van de eerste neerzetting. Den heten Dún Bhun na Gaillimhe (t fort an n voot van de Gaillimhe). t Woard Gaillimh beteeknt "steenachtig" as in "steenachtigen rivier". De stad hef ook de bienaamn Stämmestad (Cathair na dTreabh), umdet in de Hiberno-Normandiese periode veerteen stämme (haandelsfemilies) de stad besteurdn. n Naamn "stam" was eagelik nen nearbuugnden term den at nog oet de Cromwelliaanse tied keump. De Haandelsfemilies zagn zikzelf as Engelse oadelikn en warn dus trouw an de keuning. Do at Cromwell öar dus bezetn dee, wusn ze nit good wat ze dr met an mosn, en nömn do mer den naam oawer.

Galway steet bekeand as kultureel härt van Ierlaand, en wörd aait in eenn oadm eneumd met t Iers, en Ierse volksmuziek en wörd ook wal de tweetalige heuwdstad van Ierlaand eneumd.

Dit stüksken is noch mär en knöpken. Wy nöydigt ou üm dissen knop te låten bloien.