Eidade Média

La Eidade Média ó Eidade Mediebal fui un período antermédio nua dibison squemática de la Stória de la Ouropa an quatro "eras", a saber: la Eidade Antiga, la Eidade Média, la Eidade Moderna i la Eidade Cuntemporánea.

Periodizaçon

L período de la Eidade Média fui tradicionalmente delimitado cun énfase an eibentos políticos. Nesses tenermos, tenerie-se ampeçado cula zeintegraçon de l Ampério Romano de l Oucidente, ne l seclo V (an 476 d. C.), i terminado cul fin de l Ampério Romano de l Ouriente, cula Chimpa de Custantinopla, ne l seclo XV (an 1453 d.C.).

Castielho de Bergância. Ls castielhos son un de l ícones de la Eidade Média ne l eimaginário de las pessonas

La Era Mediebal puode tamien ser subdibidida an períodos menores, nun de l modos de classeficaçon más populares, ye apartada an dous períodos:

1. Alta Eidade Média, que decorre de l seclo V al X;
2. Vaixa Eidade Média, que se stende de l seclo XI al XV.

Ua outra classeficaçon mui quemun debede la era an trés períodos:

1. Eidade Média Antiga (ó Alta Eidade Média ó Antiguidade Tardie) que decorre de l seclo V al X;
2. Eidade Média Plena (ó Eidade Média Clássica) que se stende de l seclo XI al XIII;
3. Eidade Média Tardie (ó Vaixa Eidade Média), correspondente als seclos XIV i XV.

Esse período einicial de la stória mediebal ye coincido cumo "Purmeira Eidade Média", pus ye ua fase de transiçon i de adataçones de la Ouropa. Períodos stóricos "de transiçon" tamien puoden ser chamados Eidade Média, mas l período mediebal ye un eibento stritamente ouropeu.

L adjetibo relacionado cun este período ye mediebal (ber, por eisemplo, música mediebal, arte mediebal).