Minca

Articul per Ladin Gherdëina

Minca
Blason de Minca	Bandiera de Minca
Blason	Bandiera
Nfurmazions prinzipeles
Stat	Germania Germania
Stat federel	Paiern Paiern
Landkreis	kreisfreie Stadt
Fundazion	1158 do Gejù Crist
Populazion	1 510 378 ab. (31 dezëmber 2023)
Densità	4 861,1 ab./km²
Geografia
Coordinedes	48°8'15"N, 11°34'30"E
Autëza	519 m
Spersa	310,7 km²
Auter
Targa de l'auto	M, MUC
Codesc de la posta	80331–81929, 85540
Gemeindeschlüssel	09162000
Plata internet	www.muenchen.de
Cherta
Minca Minca (Germania)

Minca (tudësch: München, bavaresc: Minga) ie la capitela y majera zità dl Paiern. Cun na populazion de 1 510 378 ai 31 dezëmber 2023 iela la terza majera zità de la Germania, do Berlin y Hamburg, y la majera che ne ie nia n stat per se (Stadtstaat). Minca ie na kreisfreie Stadt y al medem tëmp la sënta aministratva dl Landkreis de Minca, che se destira ora ntëur ala zità. L raion metropolitan à na populazion de zirca 6 milions de persones.

Minca ie sul ruf Isar a nord de la Elpes y ie ënghe la sënta de la region dl Paiern Aut (Oberbayern). L ie l chemun cun la densità de populazion plu auta de la Germania cun 4.500 persones per km². Minca ie la segonda majera zità do Viena tl raion ulache vën rujenà l bavaresc.

La zità ie per l prim iede stata numineda tl 1158. La Minca catolica à abù na sterscia resistënza contra la refurmazion te la viera di 30 ani. Tl 1806 ie l Paiern deventà n rëni y Minca à scumencià a atiré n grum de ert, cultura y scienza. Do la segonda viera mundiela ie n grum de jënt unida a sté a Minca y l crëscer de la populazion ie jit adum cun n crëscer scialdi sterch de l'economia (Wirtschaftswunder).

A Minca ie stac i juesc olimpics da d'instà dl 1972 y te la zità ie ënghe stai juesc de la copa dl mond dl juech al palé dl 1974 y dl 2006.

Aldidancuei ie Minca n zënter global de ert, scienza, tecnologia, finanza, publicazion, cultura, innovazion, educazion, cumerz y turism. La zità à n standard de vita scialdi aut, aldo de la 2018 Mercer survey l plu aut te la Germania y l terzo plu aut al mond. L'economia de Minca se basa sun l high tech, l'industria di auti, de i servisc, la industries creatives y n grum de autri ciampsc. A Minca à si sënta n grum de firmes nternaziuneles sciche la BMW, Siemens, MAN, Linde, Allianz y la Münchener Rückversicherung. A Minca dal ënghe n grum de universiteies y istituzoins scientifiches, museums de gran cualità sciche l Deutsches Museum y l BMW Museum. Minca à n grum de atrazions cultureles sciche l Oktoberfest che vën tenì uni ann.

Geografia

Tlima

Temperatures mesanes y prezipitazions per Minca Jen Fau Mer Aur Mei Jun Lug Ago Set Uto Nov Dez Mesaria mascima (°C) 4,7 7,5 10,8 16,2 19,5 24,4 26,2 26,2 20,5 15,3 9,2 6,8 Ø 15,6 Mesaria (°C) 1,5 3,8 6,5 10,8 14,4 19,1 20,7 20,5 15,5 10,9 5,9 3,6 Ø 11,1 Mesaria minima (°C) −1,6 0,1 2,2 5,5 9,3 13,8 15,2 14,9 10,5 6,6 2,7 0,4 Ø 6,7 Prezipitazions (mm) 71 67 43 52 137 101 103 113 83 65 53 45 Σ 933 Ëures de surëdl (h/d) 2,0 2,7 4,1 5,1 6,4 6,8 7,6 6,9 5,6 4,2 2,2 1,6 Ø 4,6 Dis cun prezipitazions (d) 17 13 14 12 16 14 15 13 14 14 14 14 Σ 170 Tume (%) 83 83 77 72 73 73 73 75 78 82 86 86 Ø 78,4 T e m p e r a t u r a 4,7 −1,6 7,5 0,1 10,8 2,2 16,2 5,5 19,5 9,3 24,4 13,8 26,2 15,2 26,2 14,9 20,5 10,5 15,3 6,6 9,2 2,7 6,8 0,4 Jen Fau Mer Aur Mei Jun Lug Ago Set Uto Nov Dez P r e z i p i t a z i o n s 71 67 43 52 137 101 103 113 83 65 53 45   Jen Fau Mer Aur Mei Jun Lug Ago Set Uto Nov Dez Funtana: Deutscher Wetterdienst Daten: 2015–2020, Klimatabelle für München - Wetterkontor

Populazion

Svilup de la populazion de Minca dal 1871 incà

Tl 1852 fova la populazion de Minca per l prim iede rueda sëura i 100.000, cie che fajova de Minca per l prim iede na gran zità (Großstadt). Nfin al 1901 fova la populazion cresciuda nfin a 500.000 abitanc y cun chël fova Minca deventeda la terza majera zità dl Mper Tudësch do Berlin y Hamburg. Tl 1933 ova Minca arjont 840.000 abitanc, tl 1957 na milion. De mei dl 2015 ova Minca per l prim iede arjont 1,5 milions de abitanc. Cun na densità de 4.700 abitanc per km² tl 2020 à Minca la densità plu auta de uni chemun tudësch.

Galaria dala fotografies

• 
  Minca da l'auta
• 
  L ciastel Nymphenburg
• 
  L Englischer Garten
• 
  La BMW Welt
• 
  La Allianz Arena
• 
  La Mariensäule sul Marienplatz

Cëla nce

• Lista de la majera ziteies te la Germania

Referënzes

V

Capiteles di stac federei de la Germania