Traspòrto

A versción da stanpâ a no l'é ciù suportâ e a poriéiva contegnî di eroî de réiza gràfica. Agiornâ i preferîi do tò motô de riçèrca e dêuviâ câxo mâi a fonçión òrdenâia de stànpa do tò motô de riçèrca.

ZE	Quésta pàgina a l'é scrîta in zenéize, segóndo a grafîa ofiçiâ

Arecugéita de mézzi de traspòrto da 'n'enciclopedîa do 1922

O traspòrto o l'é l'ativitæ umànn-a ch'a méscia persónn-e, béstie ò mèrçe de 'n pòsto inte 'n âtro. O peu êse conpîo inte di diferénti mòddi, sàiva a dî pe tæra (in sce færo ò in sce stràdda), pe ægoa, pe âia, pe còrda, pe condutûe e pò-u spàçio. I traspòrti són stæti 'n setô de prìmma inportànsa pò-u svilùppo de çiviltæ, permeténdo i tràfeghi comerciâli, e se conpónn-an di ànbiti de infrastrutûe, di veìcoli e di procèssi pe gestîli.

E infrastrutûe pêuan êse 'na ræ de traspòrto, cómme stràdde, ferovîe, ariovîe, idrovîe, canæ e condutûe, ò di terminâli, cómme ariopòrti, staçioìn feroviàrie, staçioìn di outòbi, magazìn, terminâli pe l'outotraspòrto, pónti de riforniménto (cómme e staçioìn de servìçio) e pòrti. I terminâli són dêuviæ ségge pe l'interscàngio de pasagê e de mèrçe che pi-â manutençión.

I mézzi de traspòrto són i diferénti instruménti, veìcoli ò béstie, che perméttan o traspòrto de persónn-e e de mèrçe. Tra i veìcoli gh'é câri, outomòbile, biçiclétte, outòbi, trêni, càmmi, elicòteri, inbarcaçioìn, veìcoli spaçiâli e aérei.