Calendäio islàmico

O Calendäio islàmico o l'é calcolòu in sciâ lùnn-a e parte da venardì 16 lùggio 622 do Calendäio Giuliàn, quànde Maometto o l'a conpîo l'Egira (o 1° Muhàrram de l'ànno 1). L'ànno o l'é de 12 méixi de 29 ó de 30 giórni, de mòddo che dua 354 giórni e, ciù ò mêno ògni tréi ànni, dua 355 giórni.

A numeraçión di ànni a l'é indicòua co a sigla h. (o àrabo hiǧrī - Egira) òpû A.H. (da-o latìn Annus Hegirae).

Calendäio islàmico, India, 1891

I méixi do Calendäio islàmico

1. Muḥàrram - محرم de 30 giórni.
2. Ṣàfar - صفر de 29 giórni.
3. Rabīʿ al-àwwal - ربيع الأول de 30 giórni.
4. Rabīʿ al-thānī - ربيع الثاني de 29 giórni.
5. Jumādā al-àwwal - جمادى الأول de 30 giórni.
6. Jumādā al-thāniyya, òpû Jumāda al-akhīra - جمادى الثانية de 29 giórni.
7. Ràjab - رجب de 30 giórni.
8. Shaʿbān - شعبان de 29 giórni.
9. Ramaḍān - رمضان de 30 giórni.
10. Shawwāl - شوال de 29 giórni.
11. Dhū l-qaʿda - ذو القعدة de 30 giórni.
12. Dhū l-ḥijja - ذو الحجة de 29 giórni (30 giórni inti ànni bizestîli).

Atri progètti

Altri progetti

• Wikimedia Commons

• Wikimedia Commons a contêgne di files in sce Calendäio islàmico