Roerdale

Dit artikel is gesjreve (of begós) in 't Posters. Laes hie wie v'r mit de versjillende saorte Limburgs ómgaon.

---

Gemeinte Roerdale (Roerdalen)
Provincie	Limburg
Hoofplaats	Berg ane Roer
Börgemeister (lies)	Monique de Boer-Beerta (VVD)
Opperflaakde – daovan water	88,65 km² 0,55 km²
Inwoeners – deechde:	21.257 (1-4-2011) 241/km²

Roerdale (officieel: Roerdalen) is 'n gemènde in Midde-Limburg aan de Duitse grens, ten zuje van Remunj. Op de kaart is ze good te herkinne es 'nen oetsjtaekende puntj van 't Nederlands gróndjgebeed. De gemènde haet good 20.000 inweuners en haet 'n oppervlak van 88,66 km².

Roerdale besjteit oet de kerne:

• Berg (Sint Odiliënberg)
• Etsberg
• Hèrkebósj of Hirkebosj (Herkenbosch)
• Lerop
• Melik (Melick)
• Mofert (Montfort)
• Paalder (Paarlo)
• Postert (Posterholt)
• 't Räötje (Reutje)
• Vlórp (Vlodrop)

't Raodhaos sjteit in Berg.
In 2007 werde de auw gemèndes Roerdale en Amb Mofert samegeveug toet 'n fusiegemènde die veurluipig ouch Roerdale hèt.

Binne de grenze van de gemènde ligk 't Nationaal Park De Meinwaeg, det veurnamelik oet bösjgebeed besjteit. Róndj 't jaor 2000 óntsjting komoosje euver d'n Iezere Rien, 'nen awwe sjpaorwaeg dae van Antjwerpe nao 't Roergebeed löp en sins de jaore sèstig neet miej in gebroek is. De Belzje wille deze sjpaorwaeg, dae door de Meinweg geit, weer gaon gebroeke. Op e privaat sjtökske gróndj bie 'n auw abdie wonde nag 'nen Indiase goeroe, de Maharishi Mahesh Yogi, womit de naam van 't dörp Vlodrop internationaal bekindj werde. In Vlórp wirt de Maharishi zien eige muntj geaccepteerd, de raam, dae tiejn euro waerd is.

Externe link

• Website vaan de gemènde

51° 9' NB, 6° 5' OL