Mons Magnes

Mons Magnes^[1] (Russ. Magnitogorsk) urbs est regionis Celiabinscensis Russiae. Secunda a maxima urbs regionis est. In utraque ripa Rhymni fluminis patet; cum Rhymnus divortium inter Europam et Asiam putatur, in duabus partibus orbis terrarum Mons Magnes iacet. Incolas habet 416 521 anno 2019.

Historia

Historia urbis tota de fodinis ferreis dependet. Anno 1740 Baschkiri metallariis Russicis montem Magneticum^[2] monstraverunt. Metallorum primitiae optimae apparuerunt, et anno 1743 Arx Magnetica aedificata est. Anno 1774 ab Aemiliano Pugatschov occupata est. Stanitsa^[3] Magnetica diu nominabatur. Anno 1929 statio ferriviae constructa est et Fabrica metalleutices Montis Magnetis^[4], vulgo Magnitka, aedificari coepit. Hoc anno Mons Magnes in numerum urbium inclusus est.

Notae

↑ Alexii Scatebrani Initia eloquentiae Latinae (Солопов А.И. Начала латинской стилистики. М., 2008), p. 507.
↑ Russice Гора Магнитка. Vide: J.G. Wallerii Systema mineralogicum.... Viennae 1778, p. 236.
↑ Stanitsa est genus coloniae Cosacicae, v. S. Ivaškovskij, Lexicon Rossico-Latinum, s.v. станица.
↑ Russice Магнитогорский металлургический комбинат.

Nexus externi

Situs geographici et historici: Locus: 53°23′0″N 59°2′0″E • OpenStreetMap • GeoNames • Thesaurus Getty • Store norske Lexikon • Большая российская энциклопедия

Vicimedia Communia plura habent quae ad Montem Magnetem spectant.

[1] Alexii Scatebrani Initia eloquentiae Latinae (Солопов А.И. Начала латинской стилистики. М., 2008), p. 507.

[2] Russice Гора Магнитка. Vide: J.G. Wallerii Systema mineralogicum.... Viennae 1778, p. 236.

[3] Stanitsa est genus coloniae Cosacicae, v. S. Ivaškovskij, Lexicon Rossico-Latinum, s.v. станица.

[4] Russice Магнитогорский металлургический комбинат.

[1]

[2]

[3]

[4]