Simona de Beauvoir

Simona de Beauvoir (Francogallice Simone-Lucie-Ernestine-Marie Bertrand de Beauvoir vel brevius Simone de Beauvoir, nata 9 Ianuarii 1908 Lutetiae et 14 Aprilis 1986 eodem loco mortua) fuit Francogallica scriptrix, philosopha ac feministria. Libros permultos, et historias fictas, quarum L'Invitée (Latine Femina invitata) et Les Mandarins (Latine De Mandarinis) inter alias praestantes, et disputationes philosophicas, quorum Le Deuxième Sexe (Latine De Sexu Secundo vel De Sexu Sequiore), disputatio de modo, quo feminae oppressae sunt, quae maxime theoriam feminismi impulit, multos per annos scripsit.

Simona de Beauvoir, Ioannes Paulus Sartre et Che Guevara Havanae anno 1960.

Vita

Simona de Beauvoir, Georgi (Francogallice Georges Bertrand de Beauvoir) ac Franciscae (Françoise Beauvoir, natae Brasseur) filia, alumna Lycei Fénelon Parisiensis, iuvenis ecclesiastico more, ut voluit mater, fideque maxime Christiano cultui educata; fama est autem eam sacerdotem Christianam fieri voluisse, annos verum quattuordecem natam religioni abnuentem, atheismum accepisse. Natura sua cogitationi libera et philosophiae existentialisticae studens, paterno etiam hortatu et res numerorum et litteras didicit, cum opes familiae post bellum amissae sunt. Amicus eius fuit Ioannes Paulus Sartre.

Dictum

"Non nata est, immo facta femina" (Le Deuxième Sexe, liber secundus)

Nexus externi

De Simona de Beauvoir Pagina a Debra Bergoffen scripta
De Simona de Beauvoir Pagina a Shannon Mussett scripta
www.rowohlt.de/ Bibliographia integralis
Bibliographia integralis
Biographia a Mariana Kremer scripta