Ioannes Martynov

Ioannes Ioannis f. Martynov (Russice Иван Иванович Мартынов, anno 1771 in Perevoločna^(en) gubernii Poltavensis natus et die 20 Octobris Calendario Iuliano, i.e. 1 Novembris Gregoriano anni 1833 Petropoli mortuus) fuit philologus, interpres, et botanista Russicus. In familia sacerdotis Orthodoxi natus seminariis Poltavae et Petropoli educatus litteras docebat, postea periodica litteraria edebat, ubi non solum opera sua, sed etiam versiones auctorum Francogallicum (Russavii, Castribrientii, Fontanae, necnon opera Russica (Gabrielis Deržavin, Nicolai Lvov, Alexandri Radiščev) edebat.

Vide etiam paginam discretivam: Martynov.

Opera

Lexicon Technobotanicum Latinum et Rossicum^[1] composuit, ubi taxonum sex nomina primus dedit. Primam in Russia seriem editoriam auctorum Graecorum fecit, cum ipse 26 volumina cum versione Russica ederet^[2]. Aesopum Callimachum Sophoclem Homerum^[3] Herodotum Longinum^[4] Pindarum Anacreontem hoc modo vertit et edidit. Poetarum versio oratione soluta facta est.

Siglum eius nominibus botanicis subscriptum est "Martinov" (apud IPNI reperiendum)

Notae

↑ Техно-ботанический словарь на латинском и русском языках, составленный Иваном Мартыновым. Petropoli 1820.
↑ "Греческие классики", Petropoli 1823—1829, vol. 1—26.
↑ Iliadem in voluminibus 7—10 et Odysseam 11—17.
↑ Si auctorem De sublimi sic nominemus.

Nexus externi

Vide "Ioannem Martynov" apud Vicispecies.

Lexicon Technobotanicum in GoogleBooks
Lexicon botanicum alterum, anni 1826
Trachiniae Sophoclis a Martynov editae
Callimachi hymni a Martynov editae (fasciculus djvu)
Martynovi memorabilia (Russice)

[1] Техно-ботанический словарь на латинском и русском языках, составленный Иваном Мартыновым. Petropoli 1820.

[2] "Греческие классики", Petropoli 1823—1829, vol. 1—26.

[3] Iliadem in voluminibus 7—10 et Odysseam 11—17.

[4] Si auctorem De sublimi sic nominemus.

[1]

[2]

[3]

[4]