Gregorius de Regio

Gregorius de Regio seu vulgo Gregorio da Reggio (Regio Lepidi natus medio fere saeculo XVI; mortuus anno circiter 1618) fuit frater Capuccinus herbariusque conventus Montis Calvarii iuxta Bononiam.^[1] Inde in alia monasteria, in montes Appenninos necnon Alpes, undique in Italiam itinera botanica faciebat. Litteras de plantis repertis ad Carolum Clusium crebriter mittebat. Plantas rariores collegit tam ad herbarium conventus quam ad hortos patronorum ornandas, videlicet comitis Haller von Hallerstein, Alexandri Farnesii cardinalis (creatoris hortorum Farnesianorum), Vincentii Gonzagae.

Genera capsicorum 1-4 a Gregorio de Regio delineata

Commentariuncula "de varietate capsicorum"

Genera capsicorum 5-8

Genera capsicorum 9-12

Textum brevem, cui ipse fortasse titulum "De varietate capsicorum" praefixerat, ad Clusium misit, qui, Latine versum, auctore rite citato, sine titulo praefixo, capitulis divisum, imaginibus novis illustratum, intra opus suum nomine Curae posteriores divulgavit (Antverpiae, 1611: pp. 95-108). Qui textus de speciebus cultis generis Capsici et praecipue de fructibus vel capsicis ipsis disserit.

Notae

↑ De hoc conventu^{[nexus deficit]}

Bibliographia

Florike Egmond, The World of Carolus Clusius: Natural History in the Making, 1550-1610. Londinii: Pickering & Chatto, 2010 Textus^{[nexus deficit]} (seu pete "Gregorio da Reggio" apud Google Books)

Nexus externi

Textus operis "De varietate capsicorum"

De hac re nexus intervici usque adhuc absunt. Adde, si reppereris.

[1] De hoc conventu^{[nexus deficit]}

[1]