Ara (constellatio)

Data Arae constellationis
Nomen	Ara
Genetivus	Arae
Abbreviatio	Ara
Situs	in caeli linea aequinoctiali
Ascensio recta	16 h 34 min ad 18 h 10 min
Declinatio	-67° 41' ad -45° 29'
Area	237 gradus quadrati
Videri potest inter	-90° ac +25°
Numerus stellarum magnitudinis < 3m	2
Stella lucidissima, Magnitudo	β Ara, 2,85m
Constellationes finitimae (a septentrionalibus sensu negativo)	Corona Australis Scorpius Norma Triangulum Australe Pavo Telescopium

Ara constellatio in caelo nocturno australi sita est. Facile et bene sub Scorpione constellatione spectari potest.

Ara inter 48 constellationes temporum antiquorum numeratur, quae iam a Ptolemaeo illo astronomo Graeco descriptae sunt.

Nomen Arae ab Eudoxo Cnidensi philosopho naturae mathematicoque quarti ante Christum natum saeculi datum est.

De mythologia

Secundum Eudoxum sidus eam aram significat, in qua Chiro ille Centaurus lupum immolavisse dicitur. Et Chiro et lupus item sidera facti sunt, nempe Centaurus et Lupus.

Apud alios scriptum videmus eam esse aram a Vulcano exstructam, ubi di foedus contra Titanos fecerunt.

Stellae

Si plus cognoscere vis, vide etiam Stellae Arae.

β Arae, quae stella lucidissima Arae constellartionis est, circiter 800 spatia luci annuae a Sole nostro remota est. In classe spectrali K3 est.

μ Arae e classe spectrali G5 V tantum 49,82 sla remota est. Minimum tres planetae circum eam stellam revolvere putantur, quorum unus saxosus esse existimatur.

In Ara constellatione Via lactea sita est. Multi cumuli stellarum iam parvis telescopiis optime spectari possunt.

Nexus externi

• "Ara" apud Chris Dolan, The Constellations and their Stars
• "The Constellations" apud situm Internationalis Unionis Astronomicae

Constellationes nominibus Latinis digestae

Constellationes abbreviationibus digestae

Zodiacus