Tantowi Yahya
Tantowi Yahya (lair ing Palembang, Sumatera Kidul, 29 Oktober 1960; umur 64 taun).[1] Tantowi Yahya iku salah sijiné presenter tivi kang misuwur jenengé.[1] Saliyané iku, Tantowi Yahya uga dadi ikon musik country ing Indonésia.[1] Tantowi Yahya iku mase presenter kang jenengé Helmi Yahya.[1] Tantowi Yahya iku anak saka pasangan H.M. Yahya Matusin lan Hj. Komariah Yahya.[1] Tantowi Yahya wiwit cilik pancén duwé kepenginan dadi wong kang misuwur jenengé.[1] Kanggo nggayuh pangimpéné iki, Tantowi Yahya banjur duwé usaha kang tenanan.[1] Wiwit kelas loro SMU Tantowi Yahya sinau karo mulangaké basa Inggris ing panggonan kang kanggo kursus nalika Tantowi lagi kelas 1 SMP.[1]
| Tantowi Yahya | |
|---|---|
 | |
| Pakaryan | Pranatacara Penyanyi Pengusaha Anggota DPR-RI (2009-2014) |
| Bojo | Dewi Handayani |
| Anak | Muhammad Adjani Prasanna Yahya |
Karir bisnis
besutLulus SMU taun 1979, Tantowi kang ngugemi agama Islam iki banjur ijrah ing kutha Yogyakarta.[1] Tantowi banjur kuliah D1 ing akademi Perhotèlan.[1] Sawisé iku, Tantowi Yahya banjur pindah ing Jakarta. Karir kerjané diwiwiti dadi resepsionis ing Hotèl Borobudur Jakarta nalika taun 1982.[1] Taun 1984, Tantowi banjur pindah ing Hotèl Hilton.[1] Taun 1987, Tantowi pindah ing perusahaan pita kaset BASF.[1] Amarga usaha kang tenanan, Tantowi banjur éntuk kalungguhan dadi Promotion Manager, kamangka Tantowi lagi kerja rong taun.[1] Nalika taun 1994, nalika Tatowi metu saka BASF.[1] Iki amarga pabrik iku nutup prodhuksi kasèté.[1] Pabrik BASF ing Jerman tutup amarga wis ana teknologi kang luwih modern ya iku disc).[1]
Karir donyaning hiburan
besutPresenter
besutAcara tivi kang sepisanan kabawah Tantowi ya iku acara kuis Gita Remaja-TVRI (1989), kang dipandu uga karo Ani Sumadi.[1] Jenengé ora mung misuwur ing TVRI nanging uga laris dadi MC (master of ceremony) uing acara-acara.[1] Karir kang paling apik ya iku nalika Tantowi Yahya dadi presenter ing acara kuis kang duwé taraf internasional ya iku Who Wants to Be a Millionaire? kang disiyaraké ing RCTI nalika taun (2001 nganti 2006).[1] Tantowi Yahya uga éntuk penghargaan dadi The Most Favourite Television Quiz Host ing ajang Panasonic Awards 2003, 2004, lan 2005.[1] Tantowi uga dadi salah sijiné wong kang nggawé lan uga sekretaris jenderal Indonésian Music Awards Foundation taun 1997-2001.[1] Saliyané iku, Tantowi Yahya uga dadi presenter acara Are You Smarter Than a 5th Grader? sadurungé digenténi karo Nico Siahaan. Saliyané iku, Tantowi Yahya uga seneng karo musik.[2] Saking senenge karo musik Tantowi Yahya nganti nggambaraké yèn musik iku dadi agama kang kaping pindho.[2]
Cathetan suku
besut
| Artikel iki minangka artikel rintisan. Kowé bisa ngéwangi Wikipédia ngembangaké. |