Crater
Crater inggih punika salah satunggaling jinis rasi lintang ingkang mapan wonten ing belahan langit sisih kidul. Crater punika ing basa Latin gadhah teges cangkir, lan ing mitos Yunani, dipunanggep minangka cangkir unjukanipun déwa Apollo. Rasi lintang punika ugi kalebet salah satunggal saking 48 rasi lintang ingkang dipundhaptar déning astronom Ptolemy ing abad kaping kalih, lan ugi mlebet 88 rasi lintang modhèren. Rasi lintan Crater punika kalebet salah satunggaling rasi lintang ingakng lemah ingkang boten gadhah lintang ingkang magnitudonipun langkung saking tiga.
CRATER | |
---|---|
![]() | |
Cekakan | Crt |
Genitif | Crateris |
Asensio rekta | 11 |
Deklinasi | −16 |
Area | 282 derajad pesagi (#53rd) |
Lintang utama | 4 |
Lintang Bayer/Flamsteed | 12 |
Lintang mawa planèt | 6 |
Lintang padhang | 0 |
Lintang cedhak | 0 |
Lintang paling padhang | δ Crt (Labrum) (3.57m) |
Lintang paling cedhak | LHS 2358 ( tc) |
Obyèk Messier | 0 |
Udan météor | Eta Craterids |
Rasi lintang sing wewatesan | Leo Sextans Hydra Corvus Virgo |
Katon antara lintang +65° lan −90°. Katon paling cetha ing wektu 21.00 jroning sasi April. ' | |
Lintang-lintang
besutRasi lintang Crater gadhah laladan ingkang ambanipun kirang langkung 282 drajat persegi lan ngewrat kalih lintang ingkang dipunmangertosi minangka planit-planit. Rasi lintang Crater saged dipuntingali ing garis lintang antawisipun +65° lan-90° lan badhé katingal ingkang saé piyambak manawi dipuntingali ing jam 9 dalu ing salebeting sasi April.
Crater boten gadhah kathah lintang ingkang padhangipun langkung saking sekawan magnitudo lan sapérangan ageng galaksi ingkang wonten ing rasi lintang punika inggih kanthi magnitudo kalih welas utawi lemah sanget. Déné lintang-lintang ingkang wonten ing rasi lintang Crater punika ingkang wonten ing rasi lintant Crater punika ing antawisipun inggih punika wonten lintang delta Crateris ingkang minangka lintang ingkang padhang piyambak wonten ing rasi lintang punika. Delta Crateris gadhah magnitudo 3,56. Punika kalebet raksasa miskin oranye kanthi komponèn metal kanthi magnitudo 3,56. Lintang punika tebihipun kirang langkung 195 taun cahyasa saking bumi. Rasi lintang punika ugi dipunsebat LAbrum, ing basa Latin, ilat.[1] Gamma Crateris inggih punika lintang binar kanthi magnitudo 4,05 ingkang tebihipun 89 taun cahya. Lintang punika ngewrat cahya raksasa ageng pethak lan pengampingipun kanthi magnitudo 11. Alpha Crateris utawi Alkes, gadhah magnitudo 4,08. PPunika kalebet lintang raksasa oranye ingkang sugi komponèn metal lan mapan tebihipun 174 taun cahya saking bumi. Beta Crateris inggih punika satunggaling lintang kanthi cahya sub raksasa pethak ingkang gadhah magnitudo 4,46 kanthi tebihipun kirang langkung 256 taun cahya saking bumi. Lintang punika ugi dipunsebat Al Sharasif, ingkang ugi minangka namanipun nu Hydrae.
Crater inggih taksih kalebet wonten ing kulawarga rasi lintang Hercules, sesarengan kaliyan rasi lintang Hercules, Sagitta, Aquila, Lyra, Cygnus, Vulpecula, Hydra, Sextans, Crux, Corvus, Ophiuchus, Serpens, Scutum, Centaurus, Lupus, Corona Australis, Ara lan Triangulum Australe. Déné rasi lintang ingkang wonten ing sak kitering Crater inggih punika rasi lintang Leo, Hydra, Sextans, Corvus lan Musca.[2]
Cathetan suku
besut- ↑ Ridpath & Tirion 2001, kc. 130–131.
- ↑ Crater Archived 2012-05-04 at the Wayback Machine. (dipunundhuh tanggal 20 Pebruari 2013)
- Makemson, Maud Worcester (1941). The Morning Star Rises: an account of Polynesian astronomy. Yale University Press.
- Ridpath, Ian; Tirion, Wil (2001), Stars and Planets Guide, Princeton University Press, ISBN 0-691-08913-2
- Ian Ridpath and Wil Tirion (2007). Stars and Planets Guide, Collins, London. ISBN 978-0-00-725120-9. Princeton University Press, Princeton. ISBN 978-0-691-13556-4.
- Richard Hinckley Allen, The Stars, Their Lore and Legend, New York, Dover.