Vela

Vela inggih punika satunggaling konstelasi ingkang wonten ing belahan bumi sisih kidul. Nama Latin saking Vela inggih punika "sails". Lintang vela inggih dipun-ginakaken kanggé péranganing satunggaling konstelasi ingakng ageng, inggih punika, Argo Navis, ingkang namanipun dipunpendhet saking warigaluh Argonauts sasampunipun ngadani èkspèdhisi dhateng Golden Fleece. Argo Navis dipunpérang malih déning International Astronomical Union dhateng tigang pérangan konstelasi inggih punika Carina (the keel), Puppis (the stern), lan Vela (the sails). Sebatan kanggé vela ingkang minangka satunggaling lintang ugi boten éwah, ingkang punika njalari Vela boten gadhah lintang ingkang dipuntedahaken déning alpha utawi beta Velorum. Konstelasi Vela inggih salah satunggaling babagan ingkang éndah ingkang mapan wonten ing sak kiduling galaksi Bimasekti. Lintan punika mapan wonten ing pinggiring rasi ingkang nonjol sanget inggih punika rasi Centaurus lan Carina.

VELA
Daftar lintang ing Vela
Cekakan	Vel
Genitif	Velorum
Asensio rekta	9
Deklinasi	−50
Area	500 derajad pesagi (#32nd)
Lintang utama	5
Lintang Bayer/Flamsteed	50
Lintang mawa planèt	7
Lintang padhang	5
Lintang cedhak	2
Lintang paling padhang	γ Vel (1.75m)
Lintang paling cedhak	Gliese 367 ( tc)
Obyèk Messier	0
Udan météor	Delta Velids Gamma Velids Puppid-velids
Rasi lintang sing wewatesan	Antlia Pyxis Puppis Carina Centaurus
Katon antara lintang +30° lan −90°. Katon paling cetha ing wektu 21.00 jroning sasi March. '

Titikanipun

Konstelasi Vela gadha area ingkang ambanipun kirang langkung 500 persegi derajat lan ngewrat sekawan lintang ingkang dipunmangertosi minangka satunggaling planit. Konstelasi vela saged dipuntingali ing latitude ing antawisipun +30° lan-90° lan ingkang saé piyambak dipuntingali ing wekdal jam 9 dalu ing salebting sasi Maret. Lintang ingkang padhang piyambak ing konstelasi Vela inggih punika [8597]-[8581] gamma Velorum, ingkang dipunmangertosi ugi minangka Regor (asalipun inggih saking "Roger" sasampunipun astronot Roger Chaffee) lan Suhail utawi Suhail al Muhlif (("the glorious star of the oath"). Gamma Velorum ugi gadhah nama cekak inggih punika Spectral Gem saking langit kidul amargi mancaraken garis padhang sanès garis ingkang nyerep peteng, ingkang ngasilaken satunggaling spektrum ingkang katingal saé sanget. Gamma Velorum seajtosipun inggih satunggaling sistem lintang ganda ingkang kapérang saking paling sakedhik enem lintang cacahipun. Lintang ingkang padhang piyambak, salah satunggalipun inggih punika [8581] gamma-2 Velorum, satunggaling lintang spectroscopic binary ingkang ngewrat raksasa super biru lan lintang ingkang paling awrat inggih punika Wolf-Rayet sampun naté dpunpanggihaken. Lintang ing celakipun ingkang paling caket inggih punika [8597] gamma-1 Velorum, inggih punika satunggaling lintang ingkang padhang, sub raksasa biru-pethak. Gamma Velorum gadhah magnitude ingkan cetha inggih punika 1,78 lan tebihipun kirang langkung 800 taun cahya. 8582 delta Velorum, inggih punika lintang ingkang padhang piyambak nomer kalih, inggih punika sistem gandha sanèsipun. Lintang punika dipunbentuk saking kalih lintang binary. Komponèn ingkang paling wigatinipun inggih punika kurcaci pethak ingkang dipunampingi kaliyan satunggaling lintang ingkang mbeleret, wondene kalih pasang kasebat gadhah magnitude 11 lan 13. Delta Velorum mapan wonten ing satunggaling papan ingkang tebihipun kirang langkung 79, 7 taun cahya saking bumi.

Cathetan suku

• Levy, David H. (2005), Deep Sky Objects, Prometheus Books, ISBN 1-59102-361-0
• Ian Ridpath and Wil Tirion (2007). Stars and Planets Guide, Collins, London. ISBN 978-0-00-725120-9. Princeton University Press, Princeton. ISBN 978-0-691-13556-4.
• Richard Hinckley Allen, Star Names, Their Lore and Legend, New York, Dover, various dates.