Aragonana linguo

Aragonana linguo
Aragonés
Parolata en:	Hispania (Aragon)
Regiono:	Westal Europa
Quanto di parolanti:	10 000
Rango:
Klasifikuro:	Indo-Europana  Romana lingui   Westala grupo    Gala-Ibera-Romana lingui    Aragonana
Oficala stando
Oficala linguo en:	Aragon
Regulata da:	Academia d'a Luenga Aragonesa
Kodexi
ISO 639-1:	an
ISO 639-2:	arg
ISO 639-3:	{{{Iso3}}}
Loki ube l'Aragonana linguo parolesas.
Videz anke: Indo-Europana linguaro – Linguaro

Aragonana linguo esas Latinida linguo parolata en nordal Aragon.

Dum tale nomizita Reconquista, la linguo expansis sude. L'uniono dil rejio Aragon kun la komtio Barcelona por formacar la Krono di Aragon, havis granda influo inter Aragon ed Hispania.

Historio

Aragonana linguo aparis cirkume la 8ma yarcento, kom un ek la multa Latinida dialekti developita en central e nordal Pirenei, ed esto dil valo dil Ebro en La Rioja, sudo ed esto di Navara e Alta Aragon.

La teritorio di Aragonana e Navarana lingui expansis pro Reconquista - to divenis plu facila pro existir altra linguo, parolita dal kristani qui vivis en la islamana zono, qua semblis tre multe a l'Aragonana, kun poka diferi inter la du. Tamen, pro l'expanso di l'Aragonan, ol komencis recevar influi de altra Latinida lingui, exemple Okcitana, Hispana e Kataluniana. L'Aragonana parolita en La Rioja e Soria komencis desaparar dum ta epoko.

Evoluciono dil Aragonana linguo.

Dialekti

La quar dialekti di Aragonana, segun propozis la studiisto Francho Nagore.

Quale preske omna lingui, Aragonan anke havas dialekti. On povas dicar ke en omna vali parolesas diferanta dialekti.

Existas propozo (facita da Francho Nagore) por dividar la linguo en quar precipua dialekti:

• Centrala
• Ocidentala
• Orientala
• Sudala

Por kelka linguisti, ta grupi esas komplexa dialektala formacita di kelka paroladi. Por altri, ta quar grupi esas la dialekti di l'Aragonana e la Chesiana e la Chistabinana esus komarkala paroladi.

Gramatiko

Fonologio e grafio

La fonemi esas inter obliqua stangi / /, Pronunco di la fonemi esas inter quadrata krampi [ ], l'ortografio esas en kursivo ol adaptesas a l'ortografio di l'Akademio di l'Aragonana Linguo.

Vokali

	Fronta		Centre		Dopa
Klozita	i /i/ u /u/ e /e/ o /o/ a /a/
Meza
Apertita

Grafika acento (á, é, í, ó, ú) indikas poziciono neregula dil tonika acento.

Konsonanti

	bilabiali		labial-dentali		interdentali		dentali		palatali		velari
	senvoca	voca	senvoca	voca	senvoca	voca	senvoca	voca	senvoca	voca	senvoca	voca
klusilo	p /p/	b /b/ [b~β]					t /t/	d /d/ [d~ð]			c, qu /k/	g, gu /g/ [g~ɣ]
frikativi	f /f/				z /θ/		s /s/		x, ix /ʃ/
afrikati									ch /tʃ/
nazali		m /m/						n /n/ [n~ɱ~ŋ]		ny /ɲ/
laterali								l /l/		ll /ʎ/
vibranti								rr, r- /rr/
verberanti								r /r/ (u /ɾ/)
aproximanti				u /w/				i, y /j/

Diakronika evoluciono di la fonologio

Ulu historiala traiti di l'Aragonana en lua evoluado de la Latina:

• O, E apertita en pralatinida devenas en la diftongi [we],[je]:
  • PONTE > puent (Hisp. puente; Ast. ponte; Kat. pont; Oc. pont/pònt)
  • FERRU > fierro (Hisp. hierro; Ast. fierru; Kat. ferro; Oc. fèrre/hèr)
• Latinida grupi -X-, -PS-, SCj- devenas senvoca palatala frikativo ix [S]:
  • COXU > coixo (Hisp. cojo; Ast. coxu; Kat. coix; COXA > Okc. cuèissa/cueisha)
• quale en la Hispana, en la Kataluniana (parte), en l'Okcitana (parciale), en l'Asturiana ed en la Galisiana, V devenas /b/:
  • VALORE > valor (Hisp. valor [b-]; Kat. valor [b-/v-]; Oc. valor [b-/v-]; Ast. valor [b-]; Gal. valor [b])

Morfosintaxo

Determinanti

Posesivi

La posesivi facas la determinanta funcio kande li esas pos la difinita artiklo. La determinita nomo povas esar meze dil kombino:

• O mío campo; a mía casa; a casa mía; etc.

En ula okazioni, ol ne facas manko l'artiklo:

• Casa nuestra ye cerqueta d'aquí.

Kun ulu substantivi referinta a proxima parenci, on uzas anke la kurta formo dil posesivo, qua ne iras akompanita di artiklo:

• Mi pai; tu mai.

Pronomi

Adverbiala pronomi

L'Aragonana, kom multa Latinida lingui, konservas la Latina formi ENDE ed IBI en l'adverbiala pronomi: en/ne e bi/i/ie.

Diakrona gramatika evoluado

Inverse ke en la Hispana, la Latina -B- restas en la imperfekta di indikativo en la duesma e triesma konjugado: teniba (angl. "he had", hisp. tenía, Kat. tenia, Okc. teniá/tienèva, Gal. tiña, Port. tinha)

Ortografio

L'Aragonana linguo havas tri ortografii:

1. Ortografio di l'Akademio di l'Aragonana Linguo.
2. Ortografio dil Socio di Aragona Linguistiko
3. Grafika normi di Hueska ye 1987

Komparo inter la tri ortografii di l'Aragonana
Fonemi	Ortografio di l'Akademio di l'Aragonana Linguo	Grafika normi di Hueska ye 1987	Ortografio dil SAL
/a/	a	a	a
/b/	b, v segun la latina etimologio. Ex: bien, servicio, val, activo, cantaba, debant	b Ex: bien, serbizio, bal, autibo, cantaba, debán	b, v segun la latinida etimologio, quale en la Kataluniana e Okcitana. Ex: bien, servício, val, activo, cantava, devant
/k/	c qu avan e, i	c qu avan e, i	c qu avan e, i
/kw/	Se ol esas etimologiala 'q', quale en la Kataluniana ed ulquanta en l'Okcitana: qu avan a, o. qü avan e, i. Ex: quan, qüestión.	cu quale en la Hispana Ex: cuan, cuestión	Se ol esas etimologiala 'q', quale en la Kataluniana ed ulquanta en l'Okcitana: qu avan a, o. qü avan e, i. Ex: quan, qüestion.
/tʃ/	ch Ex: chaminera, minchar, chusticia, cheografía	ch Ex: chaminera, minchar, chustizia, cheografía	ch. j (g avan e, i) segun l'etimologio, quale en la Kataluniana ed en l'Okcitana. Ex: chaminera, minjar, justícia, geografia
/d/	d	d	d
/e/	e	e	e
/f/	f	f	f
/g/	g gu avan e, i	g gu avan e, i	g gu avan e, i
/gw/	gu avan a, o gü avan e, i	gu avan a, o gü avan e, i	gu avan a, o gü avan e, i
h etimologia, muta pos la Latina	Skribita segun l'etimologio. Ex: historia, hibierno	Ne skribita. Ex: istoria,ibierno	Skribita quale la mez-epokal Aragonana e Kataluniana. Ex: história,hivierno
/i/	i	i	i
/l/	l	l	l
/ʎ/	ll	ll	ll
/m/	m	m	m
/n/	n	n	n
/ɲ/	ny quale en la mez-epoka Aragonana e Kataluniana Ex: anyada	ñ quale en la Hispana Ex: añada	ny quale en la mez-epoka Aragonana e Kataluniana Ex: anyada
/o/	o	o	o
/p/	p	p	p
/r/	r	r	r
/rr/	rr r- komenca	rr r- komenca	rr r- komenca
/s/	s (anke inter du vokali, nultempe ss*)	s (anke inter du vokali, nultempe ss*)	s (anke inter du vokali, nultempe ss*)
/t/	t	t	t
-t fine etimologiala, muta en l'Aragonana nuntempa	Skribita quale en la mez-epoka Aragonana, en la Kataluniana ed en l'Okcitana. Ex: sociedat, debant, chent	Ne skribita. Ex: soziedá, debán, chen	Skribita quale en la mez-epoka Aragonana, en la Kataluniana ed en l'Okcitana. Ex: sociedat, devant, gent
/u, w/	u	u	u
/jʃ/ (orientala dialekti) /ʃ/} (ocidentala dialekti)	ix kam grafiala apogo por omna dialekti Ex: baixo	x Ex: baxo	ix (orientala dialekti). x (orientala dialekti). Ex: baixo (orientala) = baxo (ocidentala)
/j/	y komenca ed inter du vokali i en altra kasi	y komenca ed inter du vokali ien altra kasi	y komenca ed inter du vokali i en altra kasi
/θ/	z avan a, o, u. c avan e, i (en internaciona formadi ed ulspeca paroli di Grekiana o Arabiana origino). z en fina poziciono (ma tz kam grafio en plurali e verbala formi ek t+s ke en la Baskiana facas ts). Ex: zona, Provenza, fetz, centro, servicio, realizar, verdatz.	z Ex: zona, Probenza, fez, zentro, serbizio, realizar, berdaz.	z avan a, o, u, en komenca poziciono. ç avan a, o, u, en interna poziciono. z en fina poziciono. c avan e, i. z en l'internaciona formaci Ex: zona, Provença, fez, centro, servício, realizar, verdaz.
*Cultismo	Ol ne notesas l'asimilado tendenci. Ex: dialecto, extension e lexico.	Ol notesas tendenci ad asimilado. Ex: dialeuto, estensión ma lecsico.	Ol ne notesas omna asimilado tendenci. Ex: dialecto, extension e lexico.
Notado dil tonika acento (en nigro en la exempli)	Hispana modelo, nur en akuta, ol permesas ne acentuado. Ex: historia, gracia, servicio mitolochía, cheografía, María, río atención choven, cantaban	Hispana modelo. Ex: istoria, grazia, serbizio mitolochía, cheografía, María, río atenzión choben, cantaban	quale la Portugalana, Kataluniana ed Okcitana. Ex: história, grácia, servício mitologia, geografia, Maria, rio atencion joven, cantavan

Bibliografio

• Jean Joseph Saroïhandy, "Dialectos aragoneses", Archivo de Filología Aragonesa, LXI-LXII (2005-2006), Zaragoza, Institución "Fernando el Católico" - Consejo Superior de Investigaciones Científicas, CSIC, pagini 363-375. (Con prólogo de Joaquín Costa). ISSN 0210-5624 (Versión electrónica en formato PDF). Es reedición del artículo publicado originalmente en el Annuaire de 1901 de la Escuela Práctica de Estudios Superiores (Sección de Ciencias Históricas y Filológicas), París, Imprenta Nacional, 1900, 106.
• Hispana Manuel Alvar, Dialectología hispánica, Université nationale d'enseignement à distance - UNED, Madrid, 1977
• Günter Holtus, Michael Metzeltin, Christian Schmitt (edd.): Lexikon der Romanistischen Linguistik (LRL), Tübingen, Niemeyer, 1988-2005 (12 Bände); Band VI,1: Aragonesisch/Navarresisch, Spanisch, Asturianisch/Leonesisch, 1992. ISBN 3-484-50236-3