Sud-Osetia

Sud-Osetia, oficale la Republiko Sud-Osetia - stato Alania esas esas disputata regiono che la sudo di Kaukazia, an la nordo dil teritorio qua oficale agnoskesas kom apartenanta a Gruzia. La nedependo di la republiko agnoskesas da Rusia, Venezuela, Nikaragua, Nauru e Siria.

Хуссар Ирыстон Южная Осетия სამხრეთი ოსეთი Chefurbo Chinvali Oficala linguo Osetiana e Rusa. Gruziana anke parolata Surfaco 3 900 km² Habitanti Denseso di habitantaro 53 523 (2015) 13,7 hab./km² Guberniestro Anatoliy Bibilov Horala zono UTC+3 TNP (yaro) US$ 1 miliardo (2017)

Historio

La nuna teritorio di Sud-Osetia esis parto dil Mezepokala rejio Iberia, qua pose unionesis en singla Gruziana monarkio dum la 11ma yarcento.

Sud-Osetia esis autonoma regiono di la Republiko Socialista Sovietiana Gruzia. Ye la 21ma decembro 1991 la regiono deklaris unlatere sua nedependo de Gruzia, pos milito.

Politiko

Sud-Osetia havas sua propra parlamento, kun 30 membri. Lua prezidanto pos aprilo 2017 esas Anatoliy Bibilov.

Sud-Osetia havas tre streta relati kun Rusia. Multa ek lua habitanti havas civitaneso Rusa. Multi volas divenar nepedendenta de Gruzia e divenor parto de Rusia.

En agosto 2008 Gruzia probis (retro)konquestar Sud-Osetia per milito, ma Rusia helpis Sud-Osetiani vinkar. Ye la 26ma di agosto 2008 Rusia agnoskis la nedependo di Sud-Osetia. Til nun altra quar landi agnoskis ol.

Geografio

Mapo di Sud-Osetia

Sud-Osetia jacas an la centro di Kaukazia, inter Europa ed Azia. Granda parto di lua teritorio jacas super 1.000 metri di altitudo. La montaro di Granda Kaukazia formacas naturala frontiero inter Sud-Osetia e Rusia, e la precipua chosei qui trairas la montaro konvergas a la tunelo Roki, qua ligas Nord-Osetia e Sud-Osetia. Lua maxim alta monto esas Khalatsa, kun 3 938 metri super la marala nivelo. La vicina monto Kazbek, an la Gruziana regiono Kazbegi, havas volkanal origino. La 200-kma disto inter la du monti kovresas per multa glacieri, di qui 30% jacas en Sud-Osetia.