Maya
Le Maya esis populo qua habitis la nuna Belize, Guatemala, westa Honduras e norda Salvador. La civilizuro di le Maya komencis c. 2000 aK. Olua maxim alta nivelo eventis de c. 250 til c. 900; ol duris til la arivo di Hispana kolonigisti.
La kalendario di le Maya komencis ye 11ma di agosto 3114 aK. Segun lia mitologio, ye ca dato komencis la triesma esforco, da la dei Quetzalcoatl e Tepeu, krear homi. Dum antea kalendariala periodo esis la antea esforci krear homi. La unesma homi kreesis de fango, ma li polveskis; la duesma homi, de ligno, esis sen-spirita e obliviis laudar sua dei; tamen la triesma esforco, en qua homi kreesis de maizo (nutrivo importanta por le Maya), esis sucesoza, e ta homi esas nia ancestri.