J.R.R. Tolkien
| John Ronald Reuel Tolkien | ||
| Profesiono: | Skriptisto, poeto, filologiisto e profesoro | |
| Lando: |  Unionita Rejio
| |
| Naskodato: | 3 di januaro 1892 | |
| Nasko-loko: | Bloemfontein, hodie Sudafrika | |
| Mortodato: | 2 di septembro 1973 | |
| Morto-loko: | Bournemouth, Dorset, Anglia | |
| Retoloko: | https://tolkienestate.com | |
John Ronald Reuel Tolkien, (AFI: dʒɒn ˈɹʷɒnld ˈɹʷuːəl ˈtʰɒlkiːn) (1892 til 1973), citata kom J. R. R. Tolkien o JRRT, esis Britaniana skriptisto, poeto, filologo e profesoro, konocita precipue pro esar l'autoro dil klasika romani di fantaziajo La Hobbit o La Sioro dil Ringi.
Poemi
redaktarL'unesma poemo publikigita da Tolkien esis "La batalio di l'Estala Campo, en 1911, kande ilu evis 40 yari.
Delonge, Tolkien interesis su pri ncien Angla e lektis multa verki en ica linguo, exemple la poemo Christ la 2ma da Cynewuld. Du linei ek ica poemo impresis ilu, note:
|
Eala Earendel engla beorhtast. Ofer middangeard monnum sended |
|
En 1914, inspirita per ta linei, Tolkien skribis la poemo "La vojayo di Eärendel, la vespera stelo", qua rakontis la vojayo en cielo da maristo Eärendel, plu tarde konvertita en Eärendil. Ica poemo esus esencala en la developo di lua esonta personaji.
Tolkien duris skribar multa poemi, ul ek li relatita kun lua personaji e qua plu tarde inkluzesus da lua filiulo Christopher en la tomi di la verko Historio di la Meza Tero. En 1917, kande esis en hospitalo pro morbo prenita dum l'Unesma mondomilito, Tolkien komencis skribir altra poemi qui esus la centro dil precipua historii di La Silmarillion, qua pose konvertus su en prozo.
En 1953 il publikigis la poemo "La riveno di Beorhtnoth, filiulo di Beorhthelm", quankam ja esis finita ek 1945. Skribita en aliteraca verso, ol esas durigo dil nefinit ancien Angliana poemo La Batalio di Maldon.