Detroit
| Detroit | ||
| ||
| Kelk imaji pri Detroit. | ||
|
| |
| Standardo | Blazono | |
| Lando: |  Usa
| |
| Stato: | Michigan | |
Informo:
| ||
| Latitudo: | 42°19'53" N | |
| Longitudo: | 83°02'45" W | |
| Altitudo: | 190 m | |
| Surfaco: | 370 km² | |
| Habitanti: | 639 111 (2020) | |
| Denseso di habitantaro: | 1778,71 hab./km² | |
| Horala zono: | UTC-5 (dUTC-4 um somero) | |
| Urbestro: | Mike Duggan (D) | |
Mapo:
| ||
| ||
Oficala retosituo:
| ||
| http://www.detroitmi.gov | ||
Detroit esas la maxim populoza urbo dil Usana stato Michigan e 27ma maxim populoza urbo di Usa. Segun la demografiala kontado di 2020, ol havis 639 111 habitanti. Lua tota surfaco esas 370.2 km². Lua metropolala regiono, havanta 4,3 milion habitanti, esas la 14ma maxim populoza metropolo di Usa.
Detroit judikesas kom importanta kulturala centro, e kontributis multe por Usana muziko, arkitekturo ed industriala desegno. Pri muziko, ol esas sideyo dil enrejistro-kompanio Motown, ed esis importanta loko por developo di muzikala jenri jazz, hip hop, rock, techno e punk-muziko. Pri arkitekturo, la rapida kresko e modernigo dil urbo dum la 19ma e komenco di la 20ma yarcenti atraktis multa arkitekti e posibligis la developo di diferanta tipi di edifici qui nun esas historiala loki e monumenti.
Detroit ank esas sideyo di importanta universitati e fakultati, exemple Wayne State University, qua esas importanta inquesto-centro. La fakultati pri medicino ed yurocienco ank esas famoza. Altra importanta universitati esas University of Detroit Mercy, Grand Valley State University, e College for Creative Studies.
Historio
redaktar
Aborijeni ja habitis la regiono di Detroit cirkume 11 mil yari ante nun. Dum la 17ma yarcento, la regiono habitesis da aborijeni Huron, Odawa, Potawatomi ed Iroquois.
Chicago fondesis ye la 24ma di julio 1701 da Franca Antoine de La Mothe Cadillac, ol okupesis da Britaniani en 1760, pos milito.
En 1805, granda fairo destruktis granda parto dil urbo. De 1805 til 1847 ol esis chef-urbo di Michigan. Dum ta epoko ol kreskis multe. En 1812, Britaniani okupis ol, ma Usani riganis kontrolo dil urbo en 1813.
En 1903, Ford Motor Company fondesis. Altra automobilo-produktanti (la fratuli Dodge, Packard, e Walter Chrysler) instalis automobilo-fabrikerii en l'urbo. Kun la fabrikerii e la kresko dil nombro di laboristi, aparis sindikati, e sindikatani quale Jimmy Hoffa.
Dum l'interdikto dil alkohola drinkaji de la yari 1920ma til 1933 Detroit transformesis en komercala staplo por drinkaji de Kanada. Anke dum la 20ma yarcento, quale altra urbi Usana, Detroit anke subisis rasala konflikti, konseque de la rapida industrial expanso, kande mili di nova laboristi atraktesis por laborar ibe. Rapide, Detroit divenis la 4ma maxim populoza urbo di Usa.
Geografio
redaktar
La reliefo di Detroit esas preske plana. Lua maxim alta punto - che tale nomizita "moreno di Detroit" - esas nur 19 metri plu alta kam la nivelo di rivero Detroit, inter la Granda Lagi. La reliefo dil urbo inklinas poke de nordweste ad sudeste, e lua suli esas argiloza. La mezavalora altitudo esas 200 metri super la marala nivelo.
La klimato dil urbo esas humida kontinentala (Dfa segun la klimatala klasifikuro da Köppen). La mezavalora temperaturo en januaro (vintro) esas -3,4°C, kontre ke la mezavalora temperaturo en julio (somero) esas 23,4°C.
La mezavalora yarala pluvo-quanto esas 872 mm. Ne existas sezono komplete sika en la urbo. Dum la monati decembro til februaro la pluvo-quanto esas infre 60 mm, tamen ca tri monati esas nivoza. L'atmosferala humideso sempre superiras 60%, e mem 70% de agosto til marto.