Quito
Ti Quito (Panangibalikas nga Espaniol: [ˈkito]) (Quechua: Kitu; Aimara: Kitu), pormal a kas San Francisco de Quito, ket ti kapitolio a siudad ti Ecuador, ken iti kangato iti 2,850 a metro (9,350 ft) iti ngato ti pantar ti baybay, daytoy ti maikadua a kangatuan nga opisial a kapitolio a siudad iti lubong kalpasan ti La Paz, Bolivia ken ti maysa a kaasitgan iti ekuador.[2] Daytoy ket mabirukan idiay labneng ti karayan ti Guayllabamba, kadagiti bakras ti Pichincha,[3] ti maysa nga aktibo nga estratobulkan iti kabanbantayan ti Andes. Iti populasion iti 2,671,191 segun ti kaadian a senso (2014), ti Quito ket ti maikadua a kaaduan ti populasion a siudad idiay Ecuador, kalpasan ti Guayaquil. Daytoy pay ti kapitolio ti probinsia ti Pichincha ken ti tugaw ti Metropolitano a Distrito ti Quito. Ti nairehistro a populasion ti kanton ket 2,239,191 nga agtataeng manipud iti nailian a senso idi 2010. Idi 2008, naidesgnado ti siudad a kas kuartel ti Kapon ti Pagpagilian ti Abagatan nga Amerika.[4]
Quito | |
|---|---|
 Ti pannakailadawan ti Quito | |
 Wagayway  Eskudo | |
   Quito | |
| Nagsasabtan: 0°13′12″S 78°30′45″W Nagsasabtan: 0°13′12″S 78°30′45″W | |
| Pagilian | Ecuador |
| Napundar | Disiembre 6, 1534 |
| Gobierno | |
| • Daulo | Pabel Muñoz |
| Kalawa | |
| • Dagup | 372.39 km2 (143.78 sq mi) |
| Kangato | 2,850 m (9,350 ft) |
| Populasion (2022)[1] | |
| • Dagup | 1,763,275 |
| • Densidad | 4,700/km2 (12,000/sq mi) |
| Sona ti oras | UTC−05:00 |
| Kodigo ti koreo | EC170150 |
| Kodigo ti lugar | 2 |
| Website | www |
Ti naipakasaritaan a sentro ti Quito ket addaan kadagiti maysa a kadakkelan, saan unay a nabalbaliwan ken kasayaatan a napreserba a historiko a sentro iti Kaamerikaan.[5] Ti Quito ken Kraków, Polonia, ket isuda idi dagiti immuna a nairangarang a Lugar a Tawid ti Kultura iti Lubong babaen ti UNESCO, idi 1978.[5] Ti sentral a kuadrado ti Quito ket mabirukan iti agarup a 25 a kilometro (16 mi) iti abagatan ti ekuador; ti siudad ket gumay-at iti kaasideg iti agarup a 1 a kilometro (0.62 mi) iti sero latitud. Ti maysa a monumento ken museo a mangmarka iti sapasap a lokasion ti ekuador ket lokal nga ammo a kas ti la mitad del mundo (ti tengnga iti lubong), tapno maliklikan iti pannakaallilaw, gapu ta ti balikas nga ecuador ket Espaniol para iti ekuador.[6]
Dagiti nagibasaran
urnosen- ^ https://app.powerbi.com/view?r=eyJrIjoiNWUzMjQwOWMtZjFhOS00NjczLTk0YTItNjcwZmRmY2YxMjkyIiwidCI6ImYxNThhMmU4LWNhZWMtNDQwNi1iMGFiLWY1ZTI1OWJkYTExMiJ9.
- ^ "Contact Us Naiyarkibo 2009-12-26 iti Wayback Machine." TAME. Naala idi Marso 14, 2010.
- ^ "[1] Naiyarkibo 2016-02-07 iti Wayback Machine." Petroecuador. Naala idi Pebrero 4, 2016.
- ^ "Security Watch: South American unity". Center for Security Studies. International Relations and Security Network. Naala idi Agosto 1, 2008.
- ^ a b "City of Quito – UNESCO World Heritage". Whc.unesco.org. Naala idi 2010-04-30.
- ^ "How to Get to the Equatorial Monument (La Mitad Del Mundo)". USA Today. Naiyarkibo manipud iti kasisigud idi 2015-03-11. Naala idi Enero 29, 2015.
Dagiti akinruar a silpo
urnosen
Dagiti midia a mainaig iti Quito iti Wikimedia Commons
Pakaammo ti panagbiahe idiay Quito manipud iti Wikivoyage (iti Ingles)
- "Quito". Encyclopædia Britannica (iti Ingles). Vol. 22 (Maika-11 nga ed.). 1911.
- Opisial a website ti ili ti Quito Naiyarkibo 2020-12-05 iti Wayback Machine
- Opisial a website ti turismo ti ili ti Quito Naiyarkibo 2020-12-05 iti Wayback Machine
- Wikivoyage: Quito
 | Daytoy nga artikulo ti lokasion ti Ecuador ket pungol. Makatulongka iti Wikipedia babaen ti panagnayon iti daytoy. |