Lingua anglese
Le lingua anglese[1] es un lingua germanic con influentia del lingua latin, gratias al influentia del lingua francese diffundite durante le regno normanne del Anglaterra a partir de 1066.
| Lingua anglese | |
|---|---|
| Nomine native: | English |
| instantia de: | lingua natural[*], lingua moderne[*], lingua[*] |
| subclasse de: | Linguas anglic[*], Linguas anglo-frison[*] |
 
| |
| Personas: | 379 007 140, 753 359 540 |
| Scriptura: | alphabeto latin, English orthography |
| Phylogenese: |
|
| Statuto official | |
| Regulate per: | sin valor |
| Codices de position | |
| ISO 639-1 | en |
| ISO 639-2 | eng |
| ISO 639-3 | eng |
| Glottolog | stan1293 |
| Linguasphere | 52-ABA |
| IETF ID | en |
| Wikimedia ID | en |
| |
| Commons: | English language |
| categoria principal: | Categoria:Lingua anglese |
Stato
modificarIste lingua non es parlate per le major numero del humanos in le mundo (vide lingua chinese mandarin), ma illo es inseniate in tote le mundo. Illo ha quasi devenite un lingua mundial, sovente usate como lingua franca. Il ha de 347.600.000 a 580.000.000 de parlantes in le mundo del quales circa 60.000.000 vive in Europa. Le anglese es un del linguas fontes primari de Interlingua e un del linguas official del Union Europee e del Nationes Unite.
Paises anglophone
modificar| Paises | Population (milliones) |
% parlantes native |
Parlantes native |
|---|---|---|---|
| Statos Unite | 300,0[2] | 86 | 246,0 |
| Regno Unite | 59,0 | 97 | 57,0 |
| Canada | 32,0 | 63 | 20,0 |
| Australia | 20,0 | 85 | 17,0 |
| Nove Zelanda | 4,0 | 95 | 3,8 |
| Irlanda | 4,0 | 95 | 3,80 |
| Total | 405,0 | 347,6 |
Debite al forte expansion del anglese actualmente, il es difficile determinar con precision le quantitate de parlantes de anglese e su distribution geographic. Praticamente in le mundo integre on parla anglese, ma in le 6 paises supra on parla predominantemente anglese como prime lingua.
Le numeros supra es referite a personas que parla anglese como prime lingua. Si on considera illes qui cognosce anglese como secunde lingua, le quantitate de anglophonos augmenta substantialmente.
In plure paises que ha essite colonias britannic anglese es le lingua del administration e del elites, proque illo possede un position neutral verso le linguas indigene. Un examplo es India, ubi le plano pro remplaciar completemente anglese in le rolo national per hindi (un lingua indoeuropee que es indigene in le valle de Ganges) falleva tosto post le independentia, proque le parlatores numerose del linguas dravidian in le sud del peninsula inde non accepteva dar un tal rolo a un stranie lingua regional. Anglese hodie remane le lingua franca del union, nonobstante que solmente circa 4 % del population lo maestra.
In Canada, le percentual de parlantes de anglese augmenta de 63% a 83% (26,5 milliones), si on considera le population bilingue que parla anglese.
Circa de 375 million de personas parla Anglese como le prime lingua. Anglese, hodie, probabilemente es le plus lingua per le native parlatores, post Mandarin Chinese e Espaniol. Tamen, quando combinante le native e non-native parlatores illo es probabilemente le lingua plus communmente parlate in le mundo, quamquam possibilemente post a un combination de Linguas Chinese, dependente si es o non classificate como dialecto o un lingua literal.
Le population estimate de parlantes de anglese como secunde lingua es significative tamben in le sequente paises:
Paises con anglese como secunde lingua
modificar| Paises | Parlantes (milliones) |
|---|---|
| Nigeria | 43,0 |
| India | 37,0 |
| Philippinas | 36,4 |
| Pakistan | 16,0 |
| Africa del Sud | 10,0 |
| Camerun | 6,6 |
| Malaysia | 6,0 |
| Nepal | 6,0 |
| Total | 161,0 |
Le numero total de parlantes de anglese in le mundo, includente le paises supra e altere minus significative, arriva approximatemente a 580 milliones.
Secundo le professor honorari David Crystal, estimationes plus radical, includente parlantes con nivello de minor perception e cognoscentia, sugere le existentia actualmente de un total superior a un miliardo de parlantes.
Ligamines externe
modificar- Dictionario interlingua-anglese super http://www.lecorde.com
- (anglese) Dictionary definitions you can understand - YourDictionary Definitiones collecte ab multe dictionarios