Muhammad al-Fatih
| Muhammad al-Fatih محمد ثانى | |
|---|---|
 Lukisan Sultan Muhammad al-Fatih, 1480, oleh Gentile Bellini (1429–1507) | |
| Sultan Utsmaniyah periode pertama | |
| Berkuasa | Agustus 1444 – September 1446 |
| Pendahulu | Murad II |
| Penerus | Murad II |
| periode kedua | |
| Berkuasa | 3 Februari 1451 – 3 Mei 1481 |
| Pendahulu | Murad II |
| Penerus | Bayezid II |
| Lahir | 30 Maret 1432 Edirne, Eyalet Rumelia, Kesultanan Utsmaniyah |
| Wafat | 3 Mei 1481 (umur 49) Hünkârçayırı (Tekfurçayırı), dekat Gebze, Kesultanan Utsmaniyah |
| Pemakaman | |
| Wangsa | Utsmani |
| Ayah | Murad II |
| Ibu | Hüma Hatun |
| Pasangan | Gülbahar Hatun Gülşah Hatun Sittişah Hatun Hatice Hatun Çiçek Hatun |
| Agama | Islam Sunni |
| Tughra |  |
Muhammad al-Fatih (30 Maret 1432 – 3 Mei 1481) yito sultan opituliyo to Kesultanan Utsmaniyah, dihu-dihu parenta to tawunu 1444-1446 wawu 1451-1481.[1][2] Tiyo masahuru sababu lopota'aluku Kota Konstantinopel lonto Kekaisaran Romawi Timur to tawunu 1453. Tiyo lo'otapu toli Ta Lopota'aluku (الفاتح, el-Fatih). Muhammad al-Fatih botiya ta'uwa ngota ta motota wawu latunga to bidang militer, ilimu pongotota, matematika wawu mongarati boli motota mohelu wolomo bahasa to'u tiyo onggo umuru 21 tawunu. Tiyo lo'o-lo'opo to dunia Islam lowali pahlawan.
Bohu lo tutumulo
[boli'a | boli'a bungo]Muhammad al-Fatih pilotutuliyo 30 Maret 1432 to Edirne ibu kota lo Utsmaniyah to'u boyito. Mongodula'aliyo Sultan Murad II wawu Hüma Hatun. Umuru mopulatuwawu lo tawunu, tiyo yilawoliyo mola lodihu parenta to Amasya, modudu'a tradisi lo Utsmani molawo sehzade (pangeran) ta buboto modihu parenta to wilayah tuwawu alihu mowali paduma wonu tiyo ma lowali sultan. Sultan Murad olo lolawo guru ngohuntuwa modidiki wala'iyo, towolotaliyo Molla Gürani. Syaikh Muhammad Syamsuddin bin Hamzah tala ngota ulama o pengaruh to'u boyito lowali guru ta pilaracayaliyo, sambe Muhammad al-Fatih yakini paralu mopota'aluku Konstantinopel.
Gambari silsilah Sultan Muhammad al-Fatih
| Hüma Hatun | Murad II. | Konkubinen | |||||||||||||||||||||||||||||||||||||||||||||||||||||||||||||||||||||
| Konkubinen | Muhammad al-Fatih. | Ahmed | Alâeddin Ali | Hasan | Orhan | Küçük Ahmed | Töchter | ||||||||||||||||||||||||||||||||||||||||||||||||||||||||||||||||
| Bayezid | Mustafa | Cem | Töchter | ||||||||||||||||||||||||||||||||||||||||||||||||||||||||||||||||||||
Lapato lohutu janjia dame wolo Kadipaten Karaman to Anatolia tawunu 1444, Sultan Murad II lotowuli lonto jabatan sultan wawu lebe mopo'odelomo pongotolaliyo to masa'ala lo agama wawu seni. Muhammad al-Fatih ma bilinta'iyo lowali sultan to umuru mopuladuluwo lotawunu. Sababu utiye wazir agung (perdana menteri) Çandarlı Halil Pasya to sa'ati boyito lebe uda'a kawasaliyo ode negara. Halil Pasya botiya lonto ngongala'a Çandarlı, tala tuwawu lo ngongala'a opongaruh da'a to delomo sojarah Utsmani (ngopohiya lo ngongala'a Utsmani). Dabo odito pongaruhliyo sasayingiya wole Syaikh Syamsuddin, guru ta paracaya da'a lo Sultan Muhammad al-Fatih.
Periode bungaliyo kekuasaan Sultan Muhammad al-Fatih, kerajaan Utsmani silorangi lo Kerajaan Hongaria ta'uwaliyo János Hunyadi, timongoliyo didu lodungohu janjia dame Szeged (1444). Sababu utiye Sultan Muhammad al-Fatih lohile oliyamoliyo alihu modihu parenta pe'entapo molawi sultan, dabo Murad ja mohuto. Sultan Muhammad al-Fatih lolawo tuladu ode oliyamoliyo, "Wonu ti papa sultan, na'omayi wawu pimpiniya pasukan li papa. Wonu wa'u sultan, wa'u momarenta oli papa alihu mona'o mayi wawu pimpiniya pasukan ola'u." Murad II lona'o mayi lomimpin pasukan Utsmani, ilolaheliyo himbunguwa lo pasukan Hongaria-Polandia wawu Wallachia pimpinan le Władysław III, Raja Hongaria wawu Polandia; János Hunyadi, komandan pasukan gabungan Kristen; wawu Mircea II, Voivode (Adipati/Pangeran) Wallachia to delomo Pertempuran Varna (1444).
Murad II lapatiyoma'o lodihu parenta lowali sultan, piliyo le Çandarlı Halil Pasya sababu tiyo ja sanangi Syaik Syamsuddin lebe paracaya lo Sultan Muhammad al-Fatih. Sultan Murad II lomarenta sambe tiyo yilate to tawunu 1451. Lapatiyoma'o Sultan Muhammad al-Fatih lowali sultan to Edirne, umuruliyo to'u boyito mopulatiyo lotawunu.
Lopota'aluku Konstantinopel
[boli'a | boli'a bungo]Konstantinopel, kota u pilohutu lo Kaisar Romawi Konstantinus Agung to tawunu 330 M, kota u masahuru to dunia sa'ati boyito. Kota botiye lowali pusat kebudayaan wawu sejahtera to masa Wangsa Komnenos.[3] Mopulatuwalu lo abad lapatiyoma'o, ngohuntuwa pihak mongusaha mopota'aluku kota botiya. tauwa lo muslim tilimula mayi lonto Mu'awiyah bin Abi Sufyan bungaliyo mohimontalo mopota'aluku Konstantinopel dabo ja lo'ohama.
To masa kekuasaan Kekaisaran Latin, Konstantinopel lotowuli to tililahepo tutumulo. Sepertiga penduduk didu o bele. Ngohuntuwa pejabat, bangsawan, wawu pemuka agama tilapiliyo ode pengasingan. Keadaan kacau sambe populasi lo Konstantinopel lolahe da'a.[4] Timohe wawu perunggu lonto nga'amila bangunan hehamaliyo wawu potali limongoliyo pobiyayaliyo ode negara.[5] Hagia Sophia bungaliyo Basilika Kristen Ortodoks biloli'iyo lowali Basilika Katolik sambe pulito masa kekuasaan pihak Katolik to Konstantinopel. Pihak Nicea lopobake kekuasaan Kekaisaran Latin Katolik wawu lohehu Konstantinopel, lopowuli kekuasaan Kekaisaran Romawi Timur Ortodoks to tawunu 1261.
To sa'ati Muhammad al-Fatih lowali sultan oluwoliyo tawunu 1451, tiyo ma lopo'odamanga Angkataan laut lo Kerajaan utsmani moposiyapu mopota'aluku Konstantinopel. To bihu Selat Bosporus imbihu Asia, ma woluwo benteng Anadolu Hisarı u bilongu ma'o lo Sultan Bayezid I. Sultan Muhammad al-Fatih ma loduhengo lomongo benteng Rumeli Hisarı u lebe damango imbihu Eropa Bosporus, sambe Kerajaan Utsmani ta kawa-kawasa to Selat Bosporus. Lapato lomongu benteng, Muhammad al-Fatih lomarenta alihu timi'idu kapali lumawode to Selat Bosporus musi mongohi pajak. Pihak Venesia ja lodungohu aturangi botiya, wawu kapali limongoliyo bilutahiyo lo meriam sambe yilumodu'o. Nga'amila tawu lo kapali hilukumaniliyo pilontodiyo to bulo'o[6] ngopohiya lo kaputengi, ntilayangiyo alihu mowali po'ela ode ode tawu-tawuwalo ta lumawodu to Selat Bosporus.[7]
To tawunu 1453, Muhammad al-Fatih ma lomulayi popateya ode Konstantinopel wolo jumula lo pasukan 80.000 sambe 200.000 lota, kereta api artileri,[8] wawu 320 kapali. Kota botiya pali-palito deheto wawu datahu, armada lo Utsmani pilopotambatiliyo to Selat Bosporus monto pentadu ode pentadu, formasi bulan sabit, mohadangi wubodu ode Konstantinopel monto deheto.[6] Awali hulalo April, usaha mopota'aluku Konstantinopel tilumulaliyo. Tembok kota Konstantinopel bungaliyo mowlai molahangi pasukan Utsmani, openu Sultan Muhammad al-Fatih ma lomake meriam u pilohutu le Orban, insiyur lonto Transilvania. Milango Tunge Hulawa daha-daha olo 28 kapali boli pake-pake rante damango pomubuliyo.
To delomo popateya botiya, pihak Romawi Timur lohile wubodu ode Otolopa, dabo Paus longohi syarat alihu Gereje Ortodoks Timur mohuto mohimbunguwa to delomo parenta lo kepausan to Roma. Pihak kekaisaran ma lopoluwalo maklumati mopotuwawu lo gereja, dabo ra'iyaati wawu taa'uwaa lo agama Ortodoks ja lodungohu sababu yingo limongoliyo ode kewenangan Roma wawu ritus liturgi Latin to delomo Katolik,[9] wawu mo'ela huhutu lo umat Katolik to sa'ati timongoliyo lopota'aluku Konstantinopel to Popateya Salib Opatiyo. Woluwo olo pasukan Otolopa longohi wubodu, dabo lebe ngohuntuwa ta'uwa lo lipu to Otolopa lebe sibuk lo urusani limongoliyo sambe ilopelehiyaliyo nasib lo Konstantinopel.[10]
Tanggal 22 April, Sultan Muhammad al-Fatih lolawo kapali u ja boti dudulamanga lonto Selat Bosporus ode pentadu tilayo lo Tunge Hulawa. Walu lopulu kapali pilopobotuliyo ode tudu, wapi-wapidu batango ayu wawu dilede'i mongoliyo lolimbata o'ayuwa wawu hu'idu, lamingiyo odelo 2 kilometer. Kalaja damango u delo ja tumuwota to demomo akali lo tawu, lowali pilohutu limongoliyo. Lapato 57 (limolopula pitu) huyi daha-daha wawu ilulungi mongoliyo, Konstantinopel lota'aluku ode pasukan Kesultanan Utsmaniyah.[6] Kaisar Konstantinus XI yilate to dulahu Konstantinopel ta'aluku ode Kesultanan Utsmani, dabo diya'a sakusi tumu-tumulo ta lo'onto ilopateliyo. To wungguli tuwawu, tiyo lohinggi jubah wawu lolawani wolo prajurit pulitiyo sambe yilate to delomo popateya botiya. To lapato popateya, Sultan Muhammad al-Fatih ma loheyi ibu kota Utsmani lonto Edirne ode Konstantinopel. Dulota po'uwala'a wawu warisi lo Kaisar Konstantinus XI Palaiologos lowali watoliyo wawu tilumuwoto ode isilamu sambe ma lo'otapu tanggula bohu, Hass Murad wawu Mesih. Hass Murad bilinta'iyo lowali Gubernur Balkan, wawu Mesih lowali gubernur Gallipoli, lapatiyo ma'o lowali wazie agung to masa peperintahan Bayezid II, wala'o Sultan Muhammad al-Fatih. [11]
Referensi
[boli'a | boli'a bungo]- ↑ "Dates of Epoch-Making Events", The Nuttall Encyclopaedia. (Gutenberg version Diarsipkan 2004-10-11 di Wayback Machine.)
- ↑ Related to the Mahomet archaisms used for Mohammad. See Medieval Christian view of Muhammad for more information.
- ↑ Cameron 2006, hlm. 47.
- ↑ Talbot, "The Restoration of Constantinople under Michael VIII", Dumbarton Oaks Papers, 47 (1993), p. 246
- ↑ Geanakoplos, Emperor Michael Palaeologus and the West (Harvard University Press, 1959), p. 124 n. 26
- ↑ 6,0 6,1 6,2 Silburn, P. A. B. (1912).
- ↑ "Byzantium: A Tale of Three Cities - BBC Four". BBC. Diakses tanggal 2017-04-09.
- ↑ Arnold (2001) p. 111
- ↑ Runciman 1990, hlm. 71–72
- ↑ Runciman 1990, hlm. 84–85.
- ↑ Lowry, Heath W. (2003). The Nature of the Early Ottoman State. Albany, NY: SUNY Press. p. 115-116.