LDR
LDR (do inglés Light Dependent Resistor ou en galego Resistor Variábel Conforme a Incidencia da Luz) é un tipo de resistor cuxa resistencia varía conforme a intensidade da radiación eletromagnética do espectro visíbel que incide sobre el.
Un LDR é un transdutor de entrada (sensor) que converte a (luz) en valores de resistencia. Está feito de sulfato de cadmio (CdS) ou selenito de cadmio (CdSe). A súa resistencia diminúe cando a luz é moi alta, e cando a luz é baixa, a resistencia no LDR aumenta. Un multímetro pode ser usado para atopar a resistencia na escuridade ou na presenza de luz intensa. Estes son os resultados típicos para un LDR padrón:
- Escuridade : resistencia máxima, xeralmente por riba de 1 M ohms.
- Luz moi brillante : resistencia mínima, aproximadamente 100 ohms.
Por moitos anos o LDR máis común foi o ORP12, mais nos últimos anos, o modelo NORP12 tornouse común. O NORP12 posúe un diámetro de aproximadamente 13 mm. Tamén hai LDRs menores dispoñíbeis no mercado, existen tipos onde o diámetro é de aproximadamente 5 mm. Un LDR é sensibel das faixas: Infravermello (IR), Luz visíbel e Ultravioleta (UV) Un LDR pode ser soldado de maneira simple xa que non se require ningunha precaución especial para facelo. Simplemente débese estar atento co quecemento excesivo, como con calquera outro compoñente.
O LDR é frecuentemente utilizado nas chamadas fotocélulas que controlan o acendemento de postes de iluminación e luces en vivendas. Tamén é utilizado en sensores fotoeléctricos así como fotodiodos.
